Bianca at JC matagumpay na naitago ang kasal
Kakaiba ang naging kasal nina Bianca Gonzalez at JC Intal last December 4 na ginanap sa El Nido Beach Resort sa Palawan dahil naitago nila ang petsa at lugar maliban lamang sa ilang close family members and friends na imbitado mismo sa kanilang beach wedding.
Ang husband ni Cheska Garcia-Kramer na si Doug Kramer (best friend ni JC) ang tumayong Best Man habang ang older sister ni Bianca na si Aissa ang tumayong Maid of Honor.
Bukod sa isang intimate wedding reception sa Palawan, ang mas malaking wedding reception ay ginanap last Wednesday (December 10) sa Araneta Coliseum.
Alonzo mabilis ang andar ng career
Napakabilis ng pagsikat ng four-year-old child star na si Alonzo Muhlach na ang first TV appearance ay nangyari sa Bet on Your Baby, ang reality show for the kids hosted by Judy Ann Santos-Agoncillo kung saan nakasama ni Alonzo ang kanyang mga magulang na sina Niño Muhlach at Diane Abby Tupaz. Ang pangalawang TV exposure ni Alonzo ay nangyari sa nagtapos na Pinoy Big Brother (PBB) All In.
Nabigyan din si Alonzo ng guest role sa The Trial movie nina John Lloyd Cruz, Jessy Mendiola, Richard Gomez, Gretchen Barretto, at Enrique Gil na dinirek ni Chito Roño.
Dumating ang biggest break kay Alonzo nang isinama siya sa Prinsesa episode ng My Big Bossing nina Vic Sotto at Ryzza Mae Dizon na naging daan ng sunud-sunod na TV guestings ng bagets tulad ng Vampire ang Daddy Ko, Kapuso mo, Jessica Soho, Walang Tulugan with the Master Showman, at The Ryzza Mae Show kung saan umani ng strong following si Alonzo. Dahil dito, ginawa na siyang regular na kasa-kasama ni Ryzza Mae sa kanyang programa sa buong buwan ng Disyembre.
As if this is not enough, si Alonzo ay mapapabilang na sa long-running kiddie gag show na Goin’ Bullilit at maging sa sisimulang comedy-serye ni Alex Gonzaga na Inday Bote ng Dos. May dalawang major film outfit na rin ang nag-aagawan for Alonzo’s launching movie at may ongoing negotiations na rin for commercials para sa little `mini-me’ ni Niño Muhlach.
Si Alonzo Muhlach na nga kaya ang next child superstar sa pagpasok ng taong 2015?
- Latest
