Denise nidepensa! Way gamit si Mercado sa SMB?

CEBU, Philippines – Naukay pag-ayo si Denise Laurel sa komento sa usa ka netizen nga matud pa wala ‘y gamit ang iyang hinigugma nga basketball player nga si Sol Mercado  sa San Miguel Beermen.

Ang maong kritiko ni Mercado nagkanayon,”  “Hay nako. Wala akong masabi. Di ko makita role niya sa team.”

Puwes dali nga naka-reply si Denise kinsa mipadayag daan nga dili siya ganahan nga mahimong kontrabida ang tonada sa iyang reaksyon apan gusto niya nga depensahan ang iyang bana.

“I’m sorry, couldn’t keep this to myself. I wanna say this in the nicest way possible and with positivity and I don’t want tob rude to you or hurt your feelings. So here it goes…, maybe you don’t know what his role in the team, is because you don’t know basketball? Not saying this to put anyone down or because he’s my man. But seeing Sol grow from rain or shine till now. He’s more mature player than he was before. He can still do everything he did then… (oh n by the way when he would do it u guys call him a ball hog.. dammed if u do dammed of u don’t right?) , now he doesn’t chooe to shine he wants the team to shine. He changed his name to learn and  play FOR A TEAM,”  tipik sa mensahe ni Denise.

Nanghinaut si Denise nga masabtan sa maong kritiko sa iyang bana ang iyang habig ug iyang giklaro nga todo paningkamot ang gibuhat ni Sol alang sa grupo niini.

Fil-Am composer nominado sa Grammy

Wala damha sa  Fil-Am composer sa awit nga  “Let It Go” human  nakaangkon kini og tulo ka mga nominasyon alang sa  Grammy Awards.

Sa iyang  Twitter account, gipadayag ni  Robert Lopez nga naghinam-hinam na siya sa maong kalihukan nga himoon karong  February 2015 apan wala pa niya gidetalye kung unsa ang mga kategoriya nga naapil ang  maong awit.

Kahinumduman nga nag-malampuson sa  Oscar Awards karong tuiga ang hinimo ni Lopez human kini napili nga Best Original Song.

Kauban ni  Lopez sa pagama sa  “Let It Go” mao ang iyang kapikas nga si  Kristen Anderson . Nahimo kini nga theme song sa  animated film nga “Frozen” nga mi-click ngadto sa masa.

Gikatahong si  Lopez maoy labing una nga  Filipino-American nga nakadaug sa maong award giving body.

Gretchen ug Jobert nagtingog na

Nahimong emosyonal  si Gretchen Barretto human nahibalik na ang  maayong kabubut-on nila ni  Jobert Sucaldito. Nahitabo kini human nga nagkita ang duha sa DZMM radio booth. Nasayran nga nagbungol ang duha human nga wa nakauyon si Gretchen sa mga negatibong komento ni Jobert batok sa aktres

Kathryn sa  Meg

Ang Kapamilya teen queen nga si Kathryn Bernardo maoy cover sa Meg magazine karung buwana  hangtod  na sa January 2015. Gisaysay dinhi sa aktres ang dagan sa iyang career kauban ang iyang ka loveteam nga si Daniel Padilla.

Birthday giplanohan na

Gibutyag ni Kris Aquino kagahapon sa programang KrisTV nga plano niya nga mobakasyon sa Italy atol sa iyang birthday sa Pebrero sunod tuig. Plano niining mubisita sa mga ilado nga simbahan sa maong nasud sama sa Basilica of Saint Anthony of Padua ug The Il Duomo di Firenze.

Humble si Sarah

Proud si Matteo Guidicelli sa iyang uyab nga si Sarah Geronimo gumikan sa pagka-humble niini sa iyang career. Una na nga gipadayag ni Matteo nga sa social media ra siya nakahibalo nga si Sarah diay ang nagkanta sa Disney song nga The Glow.

Apil sa horror

Gibutyag ni Kuya Kim Atienza nga aduna siya’y cameo role sa pelikulang Shake, Rattle and Roll XV.  Si Kuya Kim maoy midala isip trivia master nga mitabang sa pagluwas sa mga pasahero sa eroplano nga gibiktima sa usa ka monster.

Daniel dili affected

Gikataw-an ra ni Daniel Matsunaga ang tsika nga naglambigit sa iyang pangalan sa usa ka non-showbiz girl. Kahinumduman nga dunay babaye nga nangangkon nga naka-one night stand niya ang aktor. Apan gihimakak kini sa aktor ug giklaro niya nga wala siya makaila sa maong babaye.

Misaka ang career

Malipayon ang kapuso-singer nga si Julie Anne San Jose gumikan kay nahimong diamond record ang iyang self-titled album. Matud pa sa singer nga wala siya magtuo nga makab-ot niya kini ilabi na nga mao kini ang labing una niya nga album.

Wala matuman

Wala matuman ang lenggua ni Maja Salvador niadto nga dili siya ganahan nga makauban sa proyekto ang iyang boyfriend nga si Gerald Anderson. Gidawat sa aktres ang Christmas TV special kung diin makauban niya si Gerald..

Jake Cuenca pasidunggan sa Kongreso

Gibutyag sa usa ka lawmaker niadtong Martes nga pasidunggan sa House of Representatives ang aktor nga si  Jake Cuenca gumikan sa nahatag nga dungog niini sa Pilipinas human kini napili nga  best actor sa 2014 International Film Festival Manhattan didto sa New York.

Si Parañaque City 1st District Representative Eric Olivarez mipasiugda sa  House Resolution 1681 nga maghatag og pasidungog sa aktor.

Nasayran nga nauyonan pag-ayo ang role ni Jake sa independent film nga “Mulat.”

“It is fitting to say that a congressional commendation and congratulations be extended to Cuenca as our humble and sincere acknowledgement for bringing pride and honor to our country,” suma pa ni Olivarez.

Sa maong pelikula, si Jake naibog sa usa ka misteryoso nga babaye nga adunay mental disorder. Ang director sa maong lilas nga si Diane Ventura nahimo usab nga Best Director for a Global Feature.