Arnold tinuruan ni Robin ng arnis at self defense
MANILA, Philippines - Puno ng kuwentuhan at kantahan ang special episode ng Tonight with Arnold Clavio (TWAC) ngayong Miyerkules dahil makakasama ni Arnold ang nag-iisang Bad Boy of the Philippine Cinema na si Robin Padilla!
Sa pagsabak niya sa darating na Metro Manila Film Festival ngayong Pasko, bakit nga ba buhay at kuwento ni Andres Bonifacio ang piniling isapelikula ni Binoe?
Bukod sa pagiging Bad Boy, lover boy rin daw si Binoe. Pero napakarami rin pala niyang inaral at sinaliksik tungkol sa kasaysayan -- at magiliw niyang ikukuwento kay Igan ang kanyang mga nalalaman tungkol dito.
May on-the-spot training din na ibibigay si Binoe kay Igan sa paggamit ng arnis at self-defense. Makakasama rin ngayong Miyerkules ang veteran comedian na si Dennis Padilla. Magkaroon kaya ng bukingan sa pagitan ng magkaibigan?
Tutok na ngayong Miyerkules sa part 2 ng special episode na ito ng Tonight with Arnold Clavio, 10:15 p.m. sa GMA News TV.
- Latest
