Indian ang Miss Supranational 2014

CEBU, Philippines - Palpak pagsulod sa top 10 ang pambato sa Pilipinas sa Miss Supranational 2014 pageant didto sa London kagahapon. Si Bb. Pilipinas-Supranational Yvette Santiago nalakip hinuon sa top 20 finalists.

Ang pambato sa India, Asha Bhat ang gikoronahan, first runner-up si Miss Thailand Parapadsorn Disdramrong, second runner-up Miss Gabons Maggaly Nguema, third runner-up si Miss U.S. Allyn Rose ug fourth runner-up si Miss Poland Katarzyna Krzeszowska.

Kahinumduman nga sa nilabay nga tuig, ang pambato sa Pilipinas nga si Mutya Datul ang na rayna.

Talented D CEACORP Inc.

Happy Sunday mga SweetKabutanding! Maghinaut ko nga sa mga bagyo nga niabot sa atong nasud o sa atong kinabuhi kay I am Ready kita sa kanunay.

Ug sa pagbukas niaging semana sa Pasko sa Sugbo sa Fuente Circle nga naa na sa ilang ika-13th year, usa sa mga hugyaw nga kabahin sa programa mao ang pagpasiga sa 127 feet tall nga giant Christmas tree (ala oka ang peg). Ug gisundan dayun kini og bonggang - bongga nga fireworks display nga nakapaukay sa mga nisaksi. Dili lang kay kana lang ha? Kay pag second part sa program mao ang show sa 'D CEACORP Inc. ('d Cebu Entertainers Association Corporation Inc.), nga ang opening production number kay makaingon ka nga Pasko na! Gisugdan sa kanta sa 2nd Runner-up sa Little Ms. Philippines 2014 Gella Vergara ug Best in Talent. Nagpakita usab sila og variety of presentations sama sa musical, mga love duets from generation to generations, (gikan sa mga bata, nahimong teenager , naminyo hangtud they grow old together). Para ma balanse ang ilang pasundayag nagpakita usab sila og jazz number. Gipakita usab nila ang ilang interpretation nga fallling stars kung 2015 na! Garbo usab nila nga usa sa ilang miyembro nga na- grand champion sa Volume 2 sa Stars on 45 nga si Ricardo "Nene "Marcial nga nipaambit sa iyang talento.

Sama sa akong darhl Gleven Diaz Boiser nga bisan pa man sa ka busy sa iyang work sa Entertainment TV Cebu isip segment producer, naghatag gyud siya og higayon isip stage manager and at the same time, director. Tungod sa iyang gugma sa musika ug trabaho iya gyud kining gi career. " Nag ampo gyud ko sa Ginoo nga makaya ni nako, " paambit  ni direk Gleven. Mao nga sa sunod tuig puhon kung tagaan siya og higayon sa dakong responsibilidad isip stage director expect a bonggang - bongga nga show. Pero kining tanan dili magmalampuson kung wala ang mga tawo nga nitabang sa production. Headed by the 'D Ceacorp Inc. president Luzviminda " baby " Condeno, ang ilang musical director si Benjamin Roque. Asa pud ka kita og director nga nangunay og himo sa props kauban iyang tiyo nga si Ricky Boiser ug iyang manghod nga si Daryl Roque? Usa ra gyud akong masulti kanimo sa akong amegang kababata: darhl Gleven Boiser...develop more sa imong talent kay naa kay dakong future in the future! Sa makausa pa! Kudos kanimo Glenn Diaz Boiser! Hangtud sunod tuig o sa umaabot nimong directing job. Your ETV Cebu Forces is so proud of you!!!!

Salamat for letting me into your hearts

I turned 35 years old last Friday. Yes, sa mismong adlaw nga nagsugod paghulag si Ruby. Hinungdan nga nanawagan ko og pag-ampo alang sa kaluwasan sa tanan, isip maoy birthday gift nila nako. Daghan ang nisanong ug gatusan usab ang nipadangat og private message pinaagi sa Facebook. Ang uban akong mga higala, daghan ang mga readers ug listeners. Akong paambitan ang pipila sa maong mga mensahe which humble me more, nipahiyum sa akong kasingkasing ug nagpamatuod nga I’m on the right track. Salamat for inspiring me. Ania ra:

1. happy birthday kuya ryan,, wish u all the best in life., i look up u as someone passionate and has a good heart,, thank u for inspiring me each day., sometimes i get strength frm u when i am weak,. u are one of a kind,. u deserve to be happy., though we do not know each other personally but i am proud of ur achievements and sacrifices., hopefully someday i can be as successful as u are.., happy happy birthday,,

2. I am an avid fan of yours since ... i forgot what year was it.  it all started when i accidentally tuned in to dyLa . It was your birthday ( forgot the year,you were still on dyLa) and you were reminiscing your past, your life in Camotes, your teenage years, your sacrifices,your dreams,your hardworks and everything and you were crying and i was teary eyed too listening. From all of it, you deserve what you really have now. And from the moment i heard your laughter i was hooked. You were strict but you were/is in the right place. I followed you on your journey towards dyRc , i wasn’t a texter but i really am a listener. I am so kilig too on your posts about your lovelife haha, and get hooked with what you and GM -so interesting. Hihi. I wish you really good health, more and more blessings from God , colorful and more colorful lovelife happy birthday kuya rye take care always

3.Usa ka mainit nga pagtimbaya alang kanimo niining usa ka espesyal nga adlaw sa imong kinabuhi...Sayud ko nga bisan gamay dili gayud usik ang imong daku nga tampu alang sa atong katilingban gumikan kay kada adlaw ikaw nagahatag ug mga mahinungdanon nga mga kasayuran sa atong katilingban lakip usab ang paghatag ug lingaw alang niadtong mga masulob-on, walay hunong ang imong paghatag ug paglaum niadtong nakabsan na unta ug pangandoy sa kinabuhi, busa ipadayon ang imong kawsa nga mas mahimo pang mabulokon ang katilingban nga atong gipuy-an...

Happy Birthday Ryan Mark...

Salamat! Hinaut pa unta luwas ang tanan ug wala’y nakalas human ni Ruby! Have a blessed Sunday dear okRYANians!

Tuslob Buwa

Mga ka-bonding nato nga mga suki sa Banat In, maayong adlaw nga Domingo kaninyong tanan!

      Mibalik na pud ko, aron mopaambit kaninyo sa akong sekreto nga recipe sa lamiang Tuslob Buwa.

Karong panahona, sikat na kaayo ang maong pagkaon labi na dinhi sa Cebu.

Ang uban kanato dili na ganahan nga mosabay pa sa bagang duot sa katawhan nga powerting linya sa  tindahan nga nidalit og tuslob buwa gumikan kay lagi  kapoy kaayo.

Ayaw kabalaka, bisan naa mo sa inyo, puwede ra kaayo nga mag-tuslob buwa nga kamo ra gyud ug wala’y daghang samok basta andam lang gyud daan ang daghan kaayo nga pusu (hanging rice)  para segurado nga mabusog kamo.

Mga sagol:

1/4kg utok sa baboy

1/4kg ginaling baboy

750ml tubig

liver spread (igo-igo lang)

ahos (gagmayon og hiwa)

sibuyas bombay (gagmayon og hiwa)

uyabang (puti nga hipon)

toyo (soy sauce)

seasoning

sili (gagmay) o chili powder

Pamaagi:

1.) Magpabukal og 750ml nga tubig.

2.) Inig bukal sa tubig, dunganon og lunod ang 1/4 nga utok ug 1/4 ginaling nga baboy,ukayon kini sulod sa 10 - 15 minutos.

3.) Ibalhin ang utok ug ginaling sa lain nga sudlanan ug pabugnawa kini.

4.) Gisaha ang tag duha (2) ka kutsara nga ahos, bombay, liver spread, ug uyabang.

5.) Ilunod ang usa ka panaksan nga utok ug ginaling (ilakip ang sabaw).

6.) Timplahi depende sa imong panlasa gamit ang toyo, seasoning ug uban pa.  Kung ganahan ka og halang pwede butangan og sili o chili powder.

7.) Pabukala sulod sa 3 - 5 minutos

 8.) Pwede ka nang magtuslo-tuslo gamit ang pusu. Mao na kini ang gitawag og tuslob buwa. Kung dunay sobra sa  utok  sa baboy ug ginaling, balika ang ika upat (4) ngadto sa ikawalo (8) nga pamaagi.

(Madungog si General Pangos sa 95.5 Star FM, gikan sa Lunes hangtud sa Sabado,  sa programang Morning Starsweep 6-9am, ug Evening Starsweep  6-9pm)

in...

INGON  NIANA

Maghisgot na gani ta og isda, pipila  kanato ang gutomon gyud gumikan kay lami kaayo ang maong pagkaon.

Usa sa mga labing ilado karon nga isda nga dali ra kaayo mapalit sa mga restaurant mao ang tilapia nga nailhan sa kadaghanan nga isda sa tab-ang nga tubig.

Lami kini nga sugbaon ug inigkaluto niini, lami kaayo sagolan og sibuyas ug kamatis , ug patis puwes, wagtang gyud ang kagutom nimo.

Alang sa inyong kasayuran, daghan kaayo ta og makuha nga mga kaayohan kung mukaon kita’g tilapia.

Aduna kini daghang nutrients, vitamins, ug minerals nga importante sa himsog nga panglawas. Abunda kini sa omega-3 fatty acids nga makatabang gayud sa pagkunhod sa atong cholesterol. Gawas niiini, makapalig-on usab kini  sa atong muscles gumikan kay aduna kini protein.

Dili sama sa ubang pagkaon, ang tilapia masustansiya kay aduna kini taas nga content sa selenium nga makatabang sa paglikay sa mga sakit sama sa cancer, arthritis, heart attack ug stroke. Aduna kini vitamin E and C nga makapanindot usab sa panit ug makatabang sa paglikay sa wrinkles, age spots, ug uban pang signs of aging. Oh di ba, bongga gyud ang tilapia? Malingaw na ka’g hagpat-hagpat sa bukog aduna pa jud kay daghang maayo nga makuha. Busa mangaon na ta’g tilapia, lami na, sustansyado pa!

(John Dante N. Obeso, USJR MassComm Intern,   gikan sa www.organicfacts.net)