Global kapit-bisig day ng Be Careful sa biyernes na

MANILA, Philippines - Sabay-sabay nang masasaksihan ng Kapamilya viewers sa buong mundo ang finale ng top-rating feel-good habit ng bayan na Be Careful With My Heart. Dahil ngayong Biyernes (Nobyembre 28), magkakapit-bisig ang lahat ng Pilipino para sa Global Kapit-Bisig Day kung saan sabay ipalalabas ang ‘happy ever after’ ng love story nina Maya (Jodi Sta. Maria) at Ser Chief (Richard Yap) sa ABS-CBN at The Filipino Channel (TFC) website na www.TFC.tv. Bukod sa telebisyon, mapapanood din ang Be Careful With My Hear finale sa Internet sa pama­magitan ng Becareful.ABS-CBN.com at iWanTV.com.ph. Sa huling linggo ng programang minamahal ng lahat, ano pang mga pangyayari at pagsubok ang magkasamang haharapin nina Ser Chief at Maya sa pagkamit nila ng kanilang “happy ever after?” Huwag palampasin ang “moments of love and happiness” sa mga huling araw ng Be Careful With My Heart araw-araw, 11:30AM, bago mag-It’s Showtime sa Primetanghali ng ABS-CBN.