Isabelle gusto rin si John Lloyd

Sa ginawang paglipat ni Isabelle Daza sa ABS-CBN ay nahirapan daw siyang magpaalam sa dating programa sa Kapuso network. “It was very hard for me kasi sa Eat Bulaga, siyempre naging pamilya ko na rin sila. Araw-araw ka­ming magkasama. I really made friendships there. Kasama ko sila sa biyahe abroad, so no’ng last day ko na, it was very, very emotional lalo na kay Ryzza (Mae Dizon). Kasi she’s my little student but they were all very supportive. They all wished me luck and they’re excited also for what’s in store for me rito sa ABS-CBN,” nakangiting pahayag ni Isabelle.

Tatanggapin kaya ng dalaga kung sakaling i-guest siya sa It’s Showtime na katapat ng dati niyang programa? “Well I guess hindi muna ‘yung focus ko na mag-guest sa Showtime. Siyempre I have to focus on my role in Nathaniel,” sagot ni Isabelle.

Samantala, binigyan daw ng payo si Isabelle ng mga kaibigang sina Anne Curtis at Iza Calzado tungkol sa ginawa niyang paglipat sa Kapamilya network. “Ang dami nilang advice about moving to Kapamilya network. It encouraged me at it also made me nervous but I’m really excited about the challenge,” pagtatapos ng aktres.

Bukod kay Gerald Anderson na kasama ni Isabelle sa bagong serye ay gusto rin daw makatrabaho ng dalaga si John Lloyd Cruz.

Pops naniniwala pa rin sa kasal kahit na-trauma kay Martin

Wala pa ring karelasyon ngayon si Pops Fernandez. Nagkaroon na raw kasi ng trauma ang Concert Queen sa pagpapakasal at pagkaka-annul nito sa dating asawang si Martin Nievera. “Sometimes I’m traumatized because I get scared. Kasi may pressure, pero malay din natin ‘di ba?” makahulugang bungad ni Pops.

Nakikita kaya ng singer na muli siyang magpapakasal kapag nakilala na ang lalaking gusto niyang makasama habang buhay?

“Naku! Depende ta­laga. Alam n’yo ‘pag nasa wedding ako ng iba, parang gusto ko na ulit. Parang ang sarap ulit, but then the next day, parang hindi na ulit. Kung may darating, hahaha! If a guy will come into my life na alam kong he would love me unconditionally. Siyempre mapapaisip din akong mabuti do’n. But right now, wala pa eh,”  pagbabahagi ni Pops.

Kapag dumating na ang tamang panahon ay muli raw magpapakasal si Pops sa lalaking kanyang mamahalin habang buhay. “I still believe in marriage, oo naman. Please don’t get me wrong. Like I said, if there’s someone who is really, really serious, who I know will really take care of me, malay natin ‘di ba? Kasi for me, sa ngayon ha, it’s a commitment that matters eh. Sometimes nga, the commitment is more binding kasi walang pressure,” paliwanag pa niya.                                                                                                           Reports from JAMES C. CANTOS