Geoff at Carla malalim ang dahilan ng hiwalayan

Mukha talagang hindi naging maganda ang paghihiwalay nina Geoff Eigenmann at Carla Abellana. Pareho silang nagsabi na pagkatapos ng paghihiwalay nila ay hindi sila naniniwalang puwede pa silang maging magkaibigang muli. Sayang naman, ‘di ba?

Erwan swak na kapalit ni Isabelle

Mukhang mas magiging interes­ting ang programang Taste Buddies sa GMA News TV nina Solenn Heussaff at Isabelle Daza na iniwan ng huli kung ang makukuhang kapalit niya ay si Erwan Heussaff na kapatid ni Solenn at BF ni Anne Curtis. Bukod sa marami ang nag-iinteres na makilala pa si Erwan ay isa itong chef at malaki ang maibibigay na tulong sa show.

Vhong at Cedric naging mahinahon nang magpang-abot

Tama lang marahil na iniwasan na ni Vhong Navarro at ng grupo niya ang grupo ni Cedric Lee nang pareho silang maimbitahan sa isang binuksang bar kung saan ay investor si Vice Ganda.

Kahit ano’ng mangyari ay hindi puwedeng maging civil sa isa’t isa sina Vhong at Cedric at mabuti nang hindi sila nagkikita para wala na lang gulo.