Umakyat pa ng ring at nagdasal pagkatapos ng laban Mommy D OA na ang pinaggagagawa
SEEN: Overacting at hindi na natatawa ang mga tao sa mga ginagawa ni Dionisia Pacquiao kapag may laban ang kanyang anak na si Manny Pacquiao. Kinabuwisitan si Dionisia nang umakyat siya kahapon sa boxing ring at dinasalan si Manny matapos ang pakikipagsagupaan nito kay Chris Algieri.
SCENE: Sintunado ang pag-awit ng mga pastor sa Philippine National Anthem sa Pacquiao-Algieri fight. Super project ang mga choir member habang kumakanta.
SEEN: Ang pelikula nina Kim Chiu at Xian Lim na Bakit Hindi Ka Crush ng Crush Mo ang itinapat ng ABS-CBN sa delayed telecast ng GMA-7 sa Pacquiao-Algieri fight.
SCENE: Ang pasasalamat kahapon ni Kim Chiu dahil nag-trending kahapon ang pelikula nila ni Xian Lim. Kaduda-duda ang trending dahil nakasubaybay kahapon ang karamihan sa laban nina Pacquiao at Algieri.
SEEN: Ngayong gabi ang pilot telecast ng Dream Dad, ang feel good primetime series ng ABS-CBN na kapalit ng Hawak Kamay.
SCENE: Awkward ang acting ng direktor na si Paul Soriano sa television commercial nila ng kanyang girlfriend na si Toni Gonzaga. Katawa-tawa ang hitsura ni Soriano na mas bagay na direktor kesa artista.
- Latest
