Steffi in a dozen

CEBU, Philippines – Kung indigay na gani sa kaanyag ang hisgutan, usa sa ilado na kaayo niini ang maanyag nga si Steffi Pearson Aberasturi kinsa lig-on na kaayo sa pagrampa sa entablado.

Ang 20- anyos nga si Steffi kasamtangang nagtungha sa University of San Carlos sa kursong Bachelor of Tourism Management (3rd yr).

Labing bag-o nga  korona nga naangkon ni Steffi mao ang Reyna ng Aliwan 2014 kung diin gikatigi niya ang mga maanyag nga babaye gikan sa nagkadaiyang dapit sa Pilipinas.

Dili na pud basta-basta si Steffi ug pipila sa iyang mga titulo naglangkob sa Sinulog Festival Queen 2012, Ms. Campus Femme 2011, ug Ms. Mandaue 2013.

Usa sa gikabisihan ni Steffi karong panahona mao ang iyang pagtungha ilabi na karon nga maayo ang dagan sa iyang mga grado.

“Naningkamot ko nga ma- maintain ang akong pagka dean’s lister kay para ‘nig graduate naku, makakuha kog medalya para ma proud akong parents. Ganahan ko i-prove sa mga tawo nga dili lang ko kutob sa nawong, ipakita nako nga naa pud ko’y  utok. Busy pud ko sa akong modeling career. Wala pa ko’y giapilan karon nga pageants kay nahan sa ko mo-concentrate sa akong pag- skwela kay mao mana ang akong number one priority. Kung mahuman nako sa pag-eskwela, oras na nga moapil ko og mga dagkong pageant.  Manghinaut ko mahatagan ko’g oportunidad na maka represent sa atong nasud sa umaabot nga panahon.”

Bisan sa iyang ka-busy dili gyud niya kalimtan ang paggahin og oras sa iyang mga minahal sa kinabuhi ug sa iyang mga higala.

I just do things nga productive para dili ma sayang akong oras. I also balance things out para makakuyog gihapon ko sa akong mga friends aron makalingaw-lingaw. Akong i- enjoy ako self while bata pa ko and do things nga makapalipay nako ug sa ubang mga tawo,” matud pa niya.

Pipila sa sekreto sa kahamis sa iyang  panit mao ang  kanunay nga pagbutang niya  og lotion aron dili mag-uga.

Dili usab niya kalimtan ang kanunay nga pag-inom og tubig ug pagkatulog og sayo aron presko nga tan-awon ang iyang panagway.

Tam-is nga pahiyom ang kanunay nga malantawan sa panagway ni Steffi busa nakuryoso ang kadaghanan kung unsa siya nga klase nga masuko.

Suma pa ni Steffi nga panagsa ra siya masuko busa kataw-an ra siya sa iyang suod nga mga higala kung maabtan siya og sapot.

“Makaingon ang uban nga maldita ko, manghagis ko usahay pero mura na nuon ko’g kataw-anan tan-awon, haha,” matud pa ni Steffi, kinsa sakop sa Ozar Models nga gidumala sa designer ug beauty-queen maker nga si Danny Booc.

Apan kasagaran sa mga tawo moingon gyud nga dunay positibo nga kasingkasing si Steffi gumikan kay dili gyud kini ganahan og gubot.

“Wala ko’y makuha if magsuko-suko ko, I just want to bring positive vibes sa mga tawo” suma pa niya.

Usa sa iyang giidolo nga beauty-queen mao ang iyang igsuon nga si  Crystal Star Aberasturi nga tang-an na usab kaayo sa mga indigay dinhi sa Sugbo.

Ang iyang pamilya maoy inspirasyon sa pagsalmot ni Steffi og mga indigay gumikan kay supportive kaayo kini kaniya.

12 Things You Don’t Know about Steffi :

1. Bisag babaye ko, nahan ko mag- drag racer. Pero murag lisod-lisod  gyud nah kay di ko sugtan og drive kay basin molaag daw ko og ako, hahaha.

2. Di ko katulog kung  wala ko’y  tanday. Naa gyud ko’y favorite nga tanday nga ako gigamit sukad pa sa pagbata nako. naa gihapon siya sa akong bed.

3. Ganahan gyud ko mag- piloto kay feel naku,  chix kaayo ko tan-awon sa ilang uniform haha .

4. Bisag niwang  ko tan-awon,  sa  tinuoray lang , dili ko mahimutang  kung dili ko kakaon  like every minute or pila lang ka hours.

5. I like following clothes or online shops sa Instagram.  Murag adik kaayo ko ana pero kutob ra ko sa pagtan-aw pero dili diay mopalit.

6. Medyo boyish ko sa una.  Mag -pretend ko nga lalaki ko and moduwa ko kuyog sa mga lalaki but ako sister girly kaayo, so she helped me nga ma- transform into a girl, hahaha.

7.  I like to have my own business soon, kay malingaw ko

8. I like extreme stuffs. I like doing dangerous things that can give me adrenaline rush.

9. Ganahan ka’y ko mo-take og pictures sa akong kaugalingon. You can call me vain for sure or selfie addict.

10. I love eating as much as I love shopping.

11. Ganahan kay ko suwat-suwatan nako og ballpen ang akong skin. Especially sa akong wrist dapit sa akong knee, feet and tummy. Pasabot ana, happy ko.

12.  I love to travel around the world. See different cultures and learn different languages.