Perteng chakaha!

May mga Masscom interns gyud ko nga giyawyawan adtong Huwebes sa buntag didto sa dyRC. Gisapot ko'g pinakalit kay pagsulod nako, akong gi-greet og good morning, wala gyud naningog o nitubag-nagsiga lang mga mata. Akong gisubli og greet og good morning nga gikusog na nako akong tingog, wa gyud gihapon mukihol. Akong gipangutana interns ba, gitubag ko sa among news manager nga first day nila adtong Biyernes. Pwes, akong gipangutana og dili ba diay sila makamaong mutubag, wa gyud gihapon nitubag. Mga confident ha!

Nisulod ko's admin office kay nagkuha ko's akong butanganan og tubig, unya nipaduol ko nila kay didto man nahimutang ang water dispenser. Akong giingnan nga kun mag-media gani mo, kinahanglan good attitude aron mulambo, dili pwede ang bad attitude. Unya nisulod na ko’s booth kay board work na nako. Pagkataod-taod nanggawas sila. Damtan og mga usa ka oras namalik unya nagsugat mis pultahan. Nagdungan na pag-greet nako silang tanan, mga unom siguro to sila kabuok. Akong gitubag og, ahh kamao na. Ang usa ka girl maoy nag-sorry. Didto akong giingnan nga, kun mag-media mo kinahanglan gyud mo managad, kay kun dili mu managad wala gyud moy balita! Adtong Biyernes maayo na kaayo uy, sige na'g greet with matching smile pa. Na leksyon man! Na okray gamay! Pakkk!

Bitaw ako dear okRYANians, dili man gyud ko mu-una og tagad labi na kun wa ko makaila. Normal na, makasabot ko anang uban sab nga dili managad kay lagi gidaog sa kauwaw. Apan lahi manang sitwasyon nga naa nay nitagad nimo, unya dili gyud ka mubawos pagtagad. Lahi na nga istorya nga nay ni-greet nimo og good morning or good evening, unya dili ka mutubag. Hinilas na para nako uy!

Kay kun gisapot unya nay ni greet nimo, kinahanglan gyud ka nga mubawos og greet uy. Wala baya nay labot ang maong tawo sa imong sapot, dili baya niya sala nganong gisapot ka, so ayaw na siya i-angin. Ug kun ugaling kanang tawo nga ni-greet nimo maoy nakaingon sa imong sapot, uy sultiha siya, pahibaw-a siya aron mahusay mo. Kay kun imong iluom, ikaw alkanse ana. I do that. I tell the person concern nga gisapot ko nimo, dili usa ta mag-istorya. Pakkk!

Pero kanang walay rason, giunhan ka pagtagad nya dili ka mubawos chaka gyud na! Perteng chakaha! Pakkk!