Uno, Dos, Tres shoot!

Maayong adlaw nga Domingo mga  Ka-barangay! Ang among life isip DJ kay magsige lang mi og lingkod, sige lang og pa- aircon sulod sa studio busa  kinahanglan kaayo namo ang ehersisyo aron mamintinar ang maayong panglawas. Ang basketball mao akong labing paborito nga duwaon.

 Kung palagsik lang sa lawas ang hisgutan, akong  irekomendar kaninyo ang pagduwa og basket ball gumikan kay daghan kaayo ta og kaayohan nga maangkon niini.

 Mosuyop og 630-750 calories sa lawas sa tawo ang usa ka oras nga pagduwa og basketball ug makapalig-on usab kini sa atong muscles.

 Pinaagi usab sa maong duwa, mabaid usab ang tawo sa konsentrasyon niini sa bisan unsa nga butang ingon man usab ang paghatag og disiplina sa kaugalingon.

Kung medyo taas na ang imong pangedaron, ipa- check usa sa inyong doctor kung pwede ba mo moduwa og basketabll.

Atong hinumduman nga pinaspasay ang pagduwa og basketball busa amping lang gyud permi aron dili mangapiang.

Kinahanglan nga duna ka'y "presence of mind "sa pagduwa niini ug dili mapungot or masuko,

-Kinahanglan nga dunay warm-up ug stretching sa dili pa moduwa niini aron dili makalitan ang mga muscles ug joints ug malikay usab ka sa injury. Dapat magbalon gyud ka og tubig o fluids aron malikayan ang dehydration. Puwes enjoy sa pagduwa ninyo og basketball!.

  (Madungog si Papa Don Romantiko sa Barangay RT 99.5  gikan sa Lunes-Sabado sa programang Three Play, 3-6pm, ug sa adlaw’ng Domingo, Bida sa Barangay, 9-11am)