Sophie Sumner nagkat-on og Tagalog

CEBU, Philippines - Seryoso sa pagkat-on og  pinulongang Tagalog ang  British model nga si Sophie Sumner  busa nikuha gyud siya og Filipino teacher.

Suma pa ni Sophie nga nakauyon siya  sa Pilipinas busa ganahan gyud siya makat-on sa pag-istorya og Tagalog.

Pipila sa mga paborito niya nga  pagkaon sa nasud naglangkob sa Bicol express, sinigang, adobo ug halo-halo.

Nailhan si Sophie sa kadaghanan human siya nahimong grand winner sa  America's Next Top Model Cycle 18 ug runner-up  usab siya sa British Next Top Model Cycle 5.

Naukay sa intriga

Hugtanong gihimakak ni Rachelle Ann Go ang report nga matud pa duna siya'y uyab didto sa London. Suma pa sa singer nga dili niya itago kung pananglitan makabaton siya og uyab puhon.

Fans sa Naruto naghudyaka

Nagmaya ang Pinoy fans sa animated film nga Naruto gumikan kay ipasalida dinhi sa Pilipinas sunod buwan ang "The Last: Naruto the Movie".  Nasayran nga nagbaha ang fans sa Naruto dinhi sa nasud.

Billy suki sa dedma?

Wala panumbalinga ni Billy Crawford ang taho nga matud pa nga hadlok na siya managad og balik sa iyang ex-girlfriend nga si Nikki Gil. Gidungog nga kanunay nga dedmahon si Billy ni Nikki sa higayon nga magkasugat sila sa lobby sa ABS-CBN.

Ejay todo hilak

Dili gyud makalimot si Ejay Falcon samtang gigama ang episode sa Maalaala Mo Kaya nga malantawan karong gabii. Suma pa sa aktor nga gipagawas niya og todo ang mga luha niya sa maong episode.

Hanap nga magkabalik

Nagkatawa nga gibutyag ni Jennylyn Mercado nga dili gyud mahitabo nga magkabalik sila ni Dennis Trillo bisan pa man sa mga report nga kanunay sila nga mag-uban sa pagpanuroy. Suma pa ni Jen nga wala'y dautan kung magpabilin niya nga higala ang iyang ex-boyfriend.

Vice operahan

Gibutyag ni Vice Ganda nga ipaubos sa operasyon ang iyang tutonlan sunod tuig. Tiwason na lang ni Vice ang shooting sa pelikula niya nga "Praybeyt Benjamin 2" ug ang uban niya nga mga buhatunon karong tuiga."Kailangan ko talagang magpa-surgery kasi nagkaroon ako ng polyp sa vocal cords ko. Pinrolong 'yung medication at iniiwasan nilang magkaroon ng surgery, may kasamang steroids. Hindi na inflamed -- kasi inflamed 'yung vocal cords ko -- pero nanatili 'yung polyp kaya kailangang tanggalin," suma pa ni Vice.

Hilom nga relasyon

Malipayon si Desiree del Valle gumikan kay hilom ra kaayo ang relasyon nila ni Boom Labrusca busa layo sila sa mga intriga. Giangkon ni Desiree nga nahisgutan na nila ang pagpakasal apan wala pa sila'y tataw nga petsa.

Engkuwentro nagpadayon

Susama nga naa sa ABS-CBN sila si Edu Manzano ug Ronnie Ricketts apan dili mahimo nga mag-uban ang duha sa usa ka programa. Wala gihapon mawala ang kapungot ni Edu sa kampo ni Ronnie gumikan kay siya ang gipasanginlan nga nasuspenso kini isip chairman sa Optical Media Board (OMB) .

Showbiz ra gyud!

Dili uyon si Joey de Leon nga sagolan og isyu sa politika ang unod sa mga balita sa Startalk.  Kinahanglan matud pa nga mo-focus lamang kini sa mga balitang artista.

Piolo na-pressure

Giangkon ni Piolo Pascual nga na-pressure siya sa umaabot nga pelikula nila ni Sarah Geronimo gumikan kay nasayod siya kung unsa kakusog ang mga nangagi nga movie projects sa pop singer. (BANAT NEWS)