Trending na sad

CEBU, Philippines - Nagtrending niadtong Huwebes ang KathNiel uban sa hashtag nga "#ThankYouKathNiel" human sila nilugwa sa ABS-CBN Christmas Station ID.

Grabe na!

Trending pud ang Two Wives niadtong Huwebes human sa dramatic scene ni Kaye Abad ug Jason Abalos kung diin giangkon ni Yvonne (Kaye) nga nahigugma gihapun siya kang Victor (Jason), bisan pa man og mihangyo kini og annulment sa ilang kasal.

Asa si Kris?

Naintriga ang mga netizen kung nganong wala si Kris Aquino sa Christmas Station ID sa ABS-CBN human milugwa ang tanang artista ug personalities sa estasyon gawas lang niya.

Priority ang pamilya

Giangkon ni Ejay Falcon ang iyang kasaypanan sa iyang kanhi uyab nga si Yam Concepcion human siya nakigbuwag gumikan sa rason nga mas bug-at para kaniya ang iyang pamilya.

Detalyado!

Pwedi na mahibaw-an sa mga fans nila ni Dingdong Dantes ug Marian Rivera ang mga updates sa ilang kasal pinaagi sa ilang website sa internet.

Kaya pa!

Gibutyag ni Vic Sotto nga malipay ug andam siya sa posibilidad nga makabaton og laing anak sa umaabot. Going strong ang relationship karun ni Bossing ug sa iyang co-host sa "Eat Bulaga" nga si Pauleen Luna.

Lain nga teen show

Nanghinaut ang kapamilya child star nga si Zaijan Jaranilla nga makahimo og lain nga teleserye karon nga matapos na ang Hawak Kamay karung November 21…

Pre-Holiday Sale sa Gaisano Main ug Country Mall

CEBU, Philippines - Agi og pasiunang pinaskohan ngadto sa tanang shoppers, ang Gaisano Main ug Gaisano Country Mall mopahigayon og tulo ka adlaw nga Pre-Holiday Sale sugod kagahapon Nobiyembre 14 hangtod ugma Nobiyembre 16, diin dagkong diskwento ang inyong madaginot halos sa tanang palaliton.  Gituyo kini sa tagdumala ning maong mga tindahan aron bisan sayo pa man makapamalit na kamo sa inyong mga kinahanglanon sa Pasko ilabi na sa mga butang nga pang-regalo.  Busa aron mahamugaway ang inyong pagpangandam sa Pasko, pamalit na kamo sa Gaisano Main ug Gaisano Country Mall karon.

Gawas nga makadaginot kamo, may kahigayunan pa gayod kamo sa pag-apil ug pagdaug sa atong "A Million Thanks" raffle promo.  Sa matag P500 nga inyong mapalit hatagan kamo og raffle ticket nga maoy maghatag kaninyo og kahigayunan nga makadaug og tulo ka latest edition nga Mazda2, minilyong kantidad sa mga home appliances ug uban pa.  Mas daghan ang mapalit, mas dako ang kahigayunan sa pagdaug!  Unang bola karong Disyembre 27 uban sa mga sikat nga artista. (BANAT NEWS)