Miss International 2014
CEBU, Philippines - Miss Puerto Rico milangkat sa korona
Ang garbo sa Puerto Rico nga si Valerie Hernandez maoy nakalangkat sa titulo nga Miss International 2014 nga gipahigayon dili pa lang dugay didto sa Tokyo, Japan.
Ang pambato sa Colombia nga si Zulueta Suarez maoy napili nga first runner-up, samtang ang kandidata nga gikan sa Thailand nga si Punika Kulsoontornroot maoy second runner-up.
Napili nga third runner-up ang gipadala sa United Kingdom nga si Victoria Tooby ug natuboy nga fourth runner-up ang maanyag nga representante sa Finland nga si Milla Romppanen.
Samtang pakyas ang representante sa Pilipinas nga si Mary Anne Bianca Guidotti sa maong indigay ug wala usab kini makaangkon og bisan unsa nga minor award.
Kahinumduman nga gilauman pag-ayo sa mga Pinoy nga makadaug si Bianca human nakadaug sa maong indigay sa miaging tuig ang laing pambato sa nasud nga si Bea Rose Santiago . (BANAT NEWS)
- Latest
