Matteo pilit sinisiraan kay Sarah

Sinabi lang ni Matteo Guidicelli na matagal na niyang gusto si Sarah Geronimo, pinalalabas na agad na may ibang girlfriend pa siya ay unfaithful na ito. Ano namang utak ‘yan at parang manok! Marami pang ibang may karelasyon na kahit mag-asawa na ay may kinagigiliwan pa ring ibang babae o lalaki. Pero hindi ibig sabihin nu’n ay nagtataksil na sila. Mabuti si Matteo, ang babaeng matagal na ­niyang gusto ay nakatuluyan pa niya, masuwerte siya.

Si Sarah din naman, nu’ng nagsisimula na ­siy­ang mapansin ng boyfriend niya ngayon ay may iba ring pinagkakainteresan. Pero hindi ito naging hadlang para hindi sila magkapansinan ni Matteo.

Paulo tagumpay kay KC!

Aba, at talagang pinanga­nga­tawanan ni Paulo Avelino ang pagpapakita ng concern at pa­ki­ki­ra­may kay KC Concepcion sa pagkamatay ng lola nito. Gabi-gabi ay makikita ito sa burol, pero ‘yun nga lamang hindi naman ito nagpapaka-epal na umarteng pa­rang miyembro ng pamilya. Simple lamang ito sa pagmamalas ng kanyang pakikipag­kaibigan at pakikiramay sa pamilya.

Mukha namang may nararating ang pagiging ma­tiya­ga ng aktor sa kanyang panliligaw kay KC, Na­gagawa na niyang ilapit si KC sa kanyang anak at maging ang ina ng kanyang anak ay boto na rin kay KC para maging stepmother ng anak nila na si Aki.