Unang teleserye ni Maxene

CEBU, Philippines - Ang upcoming series sa ABS-CBN nga Dream Dan nga pagabidahan nila ni Zanjoe Marudo ug sa child star nga si Janna Agoncillo maoy labing unang proyekto nga pagabuhaton ni  Maxene Magalona human siya nibalik sa maong istasyon.

Giuswag ang plano

Giuswag lang una nila ni Jericho Rosales ug Kim Jones ang plano nila nga makaanak karong tuiga. Suma pa ni Echo nga sila mismo ni Kim ang nihukom gumikan kay daghan pa sila og gustong buhaton sa ilang kinabuhi.

Yen wala mo-surrender

Giangkon sa kanhi Pinoy Big Brother teen housemate nga si  Yen Santos nga dunay mga higayon nga kaundangon na siya sa showbiz gumikan kay maglisod gyud siya og hilak. Makadaghan na nga higayon nga gikasab-an si Yen niadto sa set sa seryeng Mutya gumikan kay dili gyud siya makahilak ug usa sa nangasaba niya og maayo si Ogie Diaz. Samtang ang director sa Pure Love nga si Veronica Velasco nipadayag nga nilambo na karon ang pag-arte ni Yen ug dali ra kaayo kini pahilakon.

Matt ug Arron nag-away

Gikumpirmar ni Matt Evans ang report nga dunay nahitabong tensyon tali nila ni Arron Villaflor  atol sa taping sa seryeng Pure Love sa ABS-CBN.  Nagdumili si Matt sa pagdetalye sa maong hitabo gumikan kay nagkauli na ang maayong kabubut-on nila ni Arron human sila nagpinasayloay.

Trabaho lang

Gipadayag ni Iya Villania nga igo lang siya midawat sa dugang pa nga mga oportunidad sa showbiz busa nibalik siya sa GMA-7. Wala panumbalinga ni Iya ang mga tawong misaway kaniya sa pagbalik niya sa Kapuso network.

Samtang wala pa'y anak

Malipayong gipahibalo ni Marian Rivera nga magpabilin gihapon ang iyang dance show sa GMA-7 samtang dili pa siya mabdos.  Nalingaw na pag-ayo si Marian sa maong show busa maglisod gyud siya og biya niini.

Promoter ang peg

Nitabang si Aljur Abrenica sa pag-promote sa  mga programa sa iyang igsuon nga si Vin Abrenica sa TV5.  Usa lang kini sa mga gibuhat sa aktor samtang nagpaabot pa siya og proyekto .

Career ang prayoridad

Gipadayag ni Andrea Torres nga naka-focus siya karon sa iyang showbiz career busa kever lang siya sa mga tawo nga nagpakita og interest kaniya. "Na-experience ko naman lahat before; lahat ng date, ligaw," suma pa sa aktres.

Christian gisurpresa sa Indonesia

Nasurpresa si Christian Bautista sa pagtikang niya dili pa lang dugay sa Indonesia gumikan kay gihatagan siya og birthday gift sa mga fans niya sa maong nasud.  Special guest si Christian sa anniversary sa usa ka network sa Indonesia.

Jason wala ma-pressure

Gipadayag ni Jason Abalos nga wala siya ma-pressure sa nagsagunson nga mga marriage proposal sa mga mag-uyab nga artista. Nagkanayon ang aktor nga gi-enjoy lang nila ni Vickie Rushton ang ilang relasyon ug daghan pa sila og angayan nga agian sa dili pa sila mohukom nga magpakasal.

Angel ug Maja magtigi

Magtigi sila si Angel Locsin ug Maja Salvador alang sa Best actress category sa umaabot nga Star Awards for Television. Gibasihan kini sa maayo nila nga pag-arte sa serye niadto sa ABS-CBN nga "The Legal Wife".

Luis mibalibad

Gibalibaran ni  Luis Manzano ang tanyag sa Star Cinema nga ilakip siya sa  umaabot nga pelikula nila ni Angel Locsin ug Vilma Santos.  "I was supposed to be but I decided to decline due to personal reasons. Dapat kasama ako pero sabi ko, hayaan na natin ang girlfriend ko at mommy ko. Time nila 'yun," tsika pa ni Luis ngadto sa ABS-CBN News.

Gimik reunion?

Nanghinaut si Judy Ann Santos nga makauban niya og balik sa trabaho ang mga kauban niya niadto sa Gimik nga sila si Jolina Magdangan ug Marvin Agustin.  Kahinumduman nga usa ka sikat nga teen-oriented show ang Gimik   niadtong  1996 ug nahuman niadtong 1999 . Nalakip usab sa Gimik niadto mao sila si  Diether Ocampo, Kristine Hermosa, Rica Peralejo, Dominic Ochoa ug si anhing Rico Yan.

Aiko gikilig ni Jomari

Gikilig si  Aiko Melendez sa dihang gipahinungod ni Jomari Yllana ngadto kaniya ang kadaugan niini  sa usa ka car racing event sa South Korea dili pa lang dugay kung diin ang aktor maoy 2nd runner-up. Nasayran nga suod gihapon  ang kanhi magkahigugmaay alang sa kaayohan sa ilang  anak.