Pagiging anino ni DJ kay Direk Wenn mahirap burahin!

SEEN: Inilagay sa half-mast ang bandila ng Pilipinas sa Pasay City bilang pagluluksa ng lungsod sa pagpanaw ni Mrs. Elaine Cuneta, ang ina ni Sharon Cuneta at may-bahay ng yumaong alkalde ng Pasay City na si Mayor Pablo Cuneta.

SCENE: Pinagbig­yan ng fans ang hiling na pribadong pagluluksa ng Cuneta at Gamboa family. Nakaburol ang labi ni Mrs. Elaine Cuneta sa Capilla Del Señor and Capilla Dela Virgen ng Santuario de San Antonio Parish, Forbes Park, Makati City.

SEEN: Ang report ng isang news program na malapit nang ikasal si DJ Durano sa kanyang non-showbiz girlfriend matapos ang sampung taon na pakikipagrelasyon niya sa direktor na si Wenn Deramas. Mahihirapan si DJ na makawala sa anino ng dating karelasyon.

SCENE: Ang grand ballroom ng Solaire Resort and Casino ang venue ng 28th Star Awards for Television ng Philippine Movie Press Club na magaganap sa November 23.

SEEN: Nominado sa best supporting actor ca­tegory ng 28th Star Awards for TV ang lahat ng male supporting cast ng Ikaw Lamang ng ABS-CBN, sina Jake Cuenca, Joel Torre, Ronaldo Valdez, John Estrada, Tirso Cruz III, at Christopher de Leon. Nominado sa best actor category si Coco Martin.

SCENE: Nominated sa best TV station category ang lahat ng mga television network, kabilang ang UNTV 37, IBC 13, ETC 9 at ang government station na PTV4.

SEEN: Hindi na masyadong lumalabas ng bahay si Lovi Poe dahil “graduate” na siya sa mga night life. Mas gusto ni Lovi na manatili at magpahinga sa kanyang bahay kapag wala siyang mga showbiz commitment.

SCENE: Tapos na ang short acting course ni Jake Cuenca sa New York City. Excited nang bumalik si Jake sa Pilipinas at mag-taping para sa Pasion de Amor ng ABS-CBN.

SEEN: Walang epekto ang “pang-Dalagang Pilipina” na pralala ni Jewel Mische na may kasunduan sila ng kanyang American fiancé na hindi sila maghahalikan o walang magaganap na pagtatalik habang hindi pa sila ikinakasal. Ex-boyfriends ni Jewel sina Richard Gutierrez at Jason Abalos.