Sophie ug Vin kumpirmadong uyab

CEBU, Philippines – Giangkon ni Sophie Albert nga uyab niya si  Vin Abrenica ug dul-an na sa usa ka tuig ang ilang relasyon. Nagpares ang duha niadto sa seryeng Never Say Goodbye. “Sobrang happy. Hindi ko ma-explain, pero we’re very happy, we’re relaxed. Hindi kami masyadong sakal. Parang 'do your thing, I’ll do mine,“ paghulagway ni Sophie sa relasyon nila ni Vin.

Tambag ni Bro

Gitambagan ni Frank Magalona ang iyang igsuon nga si Elmo nga dili tagdon ang iyang bashers.   “If these people do not understand, problema na nila iyon,” matud pa ni Frank.

EB sa HK nagmalampuson

Nagmalampuson ang show sa Eat Bulaga sa Hongkong sa miaging adlaw kung diin gitambongan kini sa liboan ka mga tawo. Usa sa gikagubtan og maayo ang child star nga si Ryzza Mae Dizon.

Claudine napungot

Wala mahimuot ang kampo ni Claudine Barretto kalabot sa lenggua ni Raymart Santiago nga dili gyud sila mahimo nga magbalik.  Aduna’y gag order ang duha busa nagplano ang grupo ni Claudine nga ipa-contempt si Raymart.

Gihagoan ni Buboy

Nag-agi og audition si Buboy Villar sa wala pa niya hingpit nga naangkon ang role nga batang Manny Pacquiao sa pelikulang Kid Kulafu. Suma pa ni Buboy nga nagbalik-balik gyud siya sa audition hangtud nga nadala gyud siya.

Musunod sa amahan

Dako ang pagtuo ni Direk Joyce Bernal nga mahimo pud nga child wonder puhon si Alonzo Muhlach  sama sa amahan niini nga si Niño Muhlach. “Malakas ang dating niya, tapos cute. Hirap lang siya mag-Tagalog,” suma pa ni  Direk Joyce kinsa maoy direktor sa  Prin­sesa episode sa  My Big Bossing nga  entry sa Metro Manila Film Festival (MMFF) 2014.

Ninang Marian

Si Marian Rivera ang mahimong usa sa mga ninang sa baby boy sa iyang wedding planner nga si Teena Barretto. Nanganak ang iyang wedding planner niadtong Biyernes. Dili hinuon maapektohan ang preparasyon sa kasal nila ni Marian ug Dingdong Dantes gumikan kay  hagbay ra kini nga nakahan-ay .

Gihilabtan

Nasagmuyo pag-ayo ang pamilya ni Rico Yan gumikan kay gihugaw-hugawan gyud sa mga tawong hilabtanon ang hulagway ni anhing Rico Yan nga naka-display sa lubnganan niini sa  Manila Memorial Park

Jolens maayong sumbanan

Saksi mismo si Toni Gonzaga sa ka maayo nga tawo ni Jolina Magdangal gumikan kay nagkauban na sila sa trabaho niadto. Nahimong front act si Toni sa mga concert niadto ni Jolina. “Sinabi ng daddy ko sa akin, ‘Kung meron kang isang artista na tutularan kapag narating mo 'yung kung ano man ang gusto mong marating, dapat si Jolina 'yun.’ Hindi siya nagbabago. Sinabi ng dad ko 'yan,” suma pa ni Toni. 

Yeng wala magdali

Wala magdali  si Yeng Constantino nga makabaton dayon og anak human sa ilang kasal ni Victor Asuncion sunod tuig. Sa Maldives ang target nila nga lugar sa ilang honeymoon.

Gusto ni Yen nga makaanak siya duha ka tuig human sa ilang kasal gumikan kay gusto pa niya nga magtagbaw sa iyang showbiz career.

“Okay naman po sa kanya, kay Yan, dahil hindi po kami ang typical o ideal na friends muna tapos naging mag-couple. Kasi ako ginulat po ako ni Yan, crush ko po siya tapos bigla niya akong niligawan. So ngayon po kami nagiging magkaibigan. Ako po ay talagang in love na in love at masaya ako na super close friends kami ngayon," matud pa ni Yeng.

Kung si Yeng ang pasultion gusto niya nga makabaton og baby girl puhon.

Dugang pa sa singer nga igo na ang duha ka tuig nga pagpangandam alang sa kaugmaon sa kaugalingon nila nga pamilya.

Tom malakip sa Praybeyt Benjamin

Makauban ni Vice Ganda sa pelikulang “Praybeyt Benjamin 2” ang kanhi housemate sa "Pinoy Big Brother" ug Kapuso star nga si Tom Rodriguez.

Kahinumduman nga nagkauban niadto sila si Vice ug Tom sa comedy-drama film sa Viva Films nga  “Petrang Kabayo” .

Gipadayag ni Tom nga naghinam-hinam na siya pag-ayo sa mahimong resulta sa maong pelikula.

“It’s going to be fun. Siyempre it’s Direk Wenn (Deremas), it’s going to be Vice. I’ve worked with him before sa ‘Petrang Kabayo.’ I had the best time with him. And ako rin I’m excited to see what’s going to happen,” matud pa ni Tom.

Nasayran nga sequel ang “Praybeyt Benjamin 2” sa  2011 blockbuster movie nga "The Unkabogable Praybeyt Benjamin." Usa kini ka entry sa umaabot nga Metro Manila Film Festival.

Apil usab sa maong pelikula sila si Richard Yap ug James “Bimby” Yap Jr.

Taylor naapsan ni Marlisa

Mikisaw  og samot ang pangalan sa Pinay X-Factor winner nga si Marlisa Punzalan gumikan kay  naa sa “top spot” sa music chart sa Australia ang hit single niya nga "Stand By You".

Naapsan ni Marlisa ang mga awit nila ni Taylor Swift, Guy Sebastian ug ang kanhi winner sa X-Factor Australia nga si Jessica Mauboy.

Suma pa sa Pinay teen singer nga sa edad nga 15 anyos, wala siya magdahom  nga mag-una siya sa music chart .

Gawas sa pagkanta , usa sa gikabisihan ni Marlisa ang pagsuwat og kaugalingon niya nga mga  awit.

Giklaro hinuon ni Marlisa nga minos lang ang magama niya nga love songs gumikan kay bata pa kaayo siya aron maghisgot og gugma.