Illustrado malaking tulong sa mga estudyante
Pinapapupurihan ko ang GMA sa effort nilang makapagbigay hindi lamang ng magaganda kundi educational din na palabas sa kanilang mga manonood. Ang ganda ng pagkakasalin nila sa TV ng buhay ng ating Pambansang Bayani na si Dr. Jose Rizal sa Ilustrado, kung saan ay nabigyan na naman ng napakagandang role si Alden Richards bilang si Rizal. Kakainggit ang mga mag-aaral ngayon dahil malaki na ang naitutulong ng telebisyon sa kanilang pag-aaral.
Annabelle hindi kayang suwayin ng mga anak
True to form talaga si Mama Annabelle Rama. Hindi pala ito boto sa bagong manliligaw-BF ng kanyang nag-iisang anak na babae kaya kung anu-ano na lang ang itinatawag niya rito. Buti na lang at talagang mababait ang mga anak niya at dedma na lang sila sa kanya. Though sinagot ni Ruffa Gutierrez ang kanyang mommy sa social media, siguradong magkakaayos ang mag-ina in no time.
For sure lalambot din agad ang puso ni Bisaya at hindi matitiis ang kanyang unica hija. At saka the Gutierrez children are known for their being mabait at marespetong anak. Kaya congratulations, Mama Annabelle and Daddy Eddie Gutierrez sa pagpapalaki n’yo sa inyong mga anak.
Direk Peque at Lore ginulat ni Juday
Nagulat daw ang mga direktor na sina Peque Gallaga at Lore Reyes sa husay umarte si Judy Ann Santos. Bida si Juday sa remake ng T’yanak kung saan bida noon ni Janice de Belen. Ang bersyon ni Juday na T’yanak ay kasali sa Sineng Pambansa Horror plus Filmfest na mapapanood mula Oct. 29 hanggang Nov. 4.
In fairness to Juday, matagal nang kinilala ang husay niya bilang artista. Kaya nga hanggang ngayon andyan pa rin siya at sumusubok naman bilang TV host dahil wala na siyang kailangan pang patunayan bilang artista.
- Latest
