Pangandam na geng!

CEBU, Philippines - Maayong adlaw mga suking readers sa Banat News! Duha na lang ka bulan kapin, Pasko na. Ang uban kanato moingon nga dugay pa kaayo. Apan nasayod ba mo nga dali ra gyud kaayo ang dagan sa panahon?

Labing maayo nga  mag-andam lang seguro ta daan sa atong mga palitunon samtang layo pa, aron dili ta maabtan sa gitawag og "panic buying" .

Seguro, naa mo'y igong tinigom diha, mahimo ra man ka mag anam-anam og palit og regalo alang sa minahal nimo sa kinabuhi o ba kaha sa atong mga kinugos (inaanak). Usa sa atong dili angayan nga kalimtan mao ang listahan sa atong paliton  aron tulin  ang pagpangompra. Pahimutang namo diha , akong ipaambit diha kaninyo ang simple nga tips sa pagpili og regalo ug kinahanglan nga simple ug praktikal. Ang importante nga malipay gyud ang tawo nga makadawat niini.

1. Kanang magamit gyud. Kini sama sa panyo , wall clock,  o ba kaha portable speaker. Kung bata gani imong hatagan, mahimo nimo siya hatagan og labakara, ug uban pa nga butang nga sayon ra kaayo nga paliton nga seguradong magamit sa imong hatagan.

2. Likayi ang paghatag og pagkaon, haha, kay seguradong nadaot na kana inig abot sa December.

3. Seguradoa nga maka-appreciate ang tawo nga makadawat sa imong regalo. Seguro mahimo ka nga mag-research sa iyang mga ganahan. Apan kung mahalon gani, pangita og alternatibong butang nga ikalipay gihapon sa imong hatagan.

4. Kung nagtungha pa ang imong hatagan, puwede kaayo nga palitan nimo siya og school supplies, sama ba ron sa ballpen,

5. Alang sa imong girlfriend o boyfriend, segurado ko nga kahibalo ka sa mga paborito nila nga butang. Nindot usab kaayo nga mohatag ka og personalized item sama sa mug o T-Shirt. Siyempre sa matag butang nga imong iregalo kaniya, pakapinan dayon nimo kini og love letter. Ang uban kanato moingon nga karaan na kaayo nga estilo ang love letter apan mas sweet kini kumpara sa text message.