Lyca nakalipat na sa kanyang bagong bahay!

MANILA, Philippines - Nakalipat na sa kanyang bagong bahay at lupa ang The Voice Kids grand champion na si Lyca Gairanod kasama ang kanyang buong pamilya. Personal na sinalubong ni Ms. Camille Villar ng Vista Land ang pamil­ya ni Lyca sa kanilang Camella Tierra Naveda na matatagpuan sa General Trias, Cavite.

Ang Camella ang isa sa major sponsors sa ginanap na The Voice Kids.

Bago nanalo sa singing contest ng ABS-CBN, walang per­manenting tirahan ang pamilya ni Lyca at namumulot lang siya ng basura. Pero nga­yon bukod sa bahay na bigay ng Vista Land, nakakaipon na siya dahil sa cash prizes at sa kabi-kabilang raket ngayon.