Aktres kita sa hitsura ang ‘sakit’ na naranasan sa ex na actor
“Numb” ang sagot sa tanong namin kung kumusta ang puso niya, ang feeling namin, hindi pa tuluyang naka-move on ang aktres na ito mula sa break-up nila ng kanyang actor-BF. Mabilis ang sagot ng aktres sa aming tanong, hindi pinag-isipan ng matagal, kung ano ang nararamdaman ‘yun ang isinagot.
Napansin ding malungkot pa rin ang mga mata nito pati ang ngiti. Pero sa harap ng press, masiglang nakikipag-biruan ang aktres. Inisip pa ng mga reporter na crush nito ang aktor na kapareha sa pelikula dahil kilig-kiligan sa mga pahayag at kilos.
This is the same actress na inaming nabaliw siya sa sobrang pagmamahal sa kanyang ex, pero kahit mahal niya ito, kailangan niyang makipag-break dahil mahirap at nakakapagod daw mahalin ang aktor.
Malulungkot ang aktor ‘pag nalamang napagod at nahirapan sa kanya ang ex dahil ang buong akala ay masaya sa piling niya ang aktres noong may relasyon pa sila.
Solenn pagod nang pag-usapan si Derek
Ang ganda-ganda ni Solenn Heussaff sa ayos niya bilang si Nellie Bousted sa Bayani Serye ng GMA-7 na Ilustrado. Bagay na bagay sa kanya ang costume na kahit mabigat at mainit dahil tatlong layer yata, keri pa rin niyang isuot.
French lady ang karakter ni Solenn sa Ilustrado, pero sa simula at ending lang ng kanyang dialogue siya nagsasalita ng French, the rest ay Tagalog na. Honored si Solenn na makasama sa Bayani Serye ng GMA-7 lalo na at tungkol kay Dr. Jose Rizal at makatrabaho ang ilan sa magagaling na artista ng bansa.
Sa Monday, bago ang Hiram Na Alaala ang pilot ng 20-episode ng Ilustrado sa direction ni King Marc Baco.Mapapanood din ito sa GMA Pinoy TV.
Samantala, ipinag-imbita na ni Solenn ang book launching ng libro nila ni Georgina Wilson. Secret pa ang title ng book for women na maraming illustrations. Based sa experiences nila ni Georgina ang mababasa sa libro.
Nakiusap pala si Solenn kung puwedeng ‘wag na siyang tanungin tungkol kay Derek Ramsay dahil pagod na siyang sagutin ang tungkol sa kaso ng aktor sa estranged wife nito. Hindi raw siya kasama sa kaso, at kampante itong hindi siya kakasuhan ni Mary Christine Jolly.
Miguel itinatanggi si Barbie
Kabilang sa mga nanood ng Let My Fire Out concert ni Frencheska Farr last Thursday sa Teatrino si Miguel Tanfelix. Hinanap ng fans sa kanya ang ka-love team na si Bianca Umali, pero hindi nanood ang teen actress.
Sa harap namin unang umupo si Miguel, kaya natanong namin sa tsikang may “something special” sila ni Barbie Forteza. Alam ni Miguel ang tsismis sa kanila ni Barbie, pero itinanggi, friends lang daw sila at matagal nang hindi nagkikita.
Anyway, libre ang concert ni Frencheska na produced ng GMA Network at GMA Artist Center para sa 5th anniversary nito sa showbiz. Enjoy ang fans sa show at mahusay na performance ni Frencheska.
Magaling din ang guests ni Frencheska na sina Julie Anne San Jose at Christian Bautista at pinalakpakan ang duet nila. Sana sa susunod, sa bigger venue na ang concert ni Frencheska.
Alden hindi pa rin umuuwi ng bahay
Mukhang hindi pa rin nakakauwi sa bahay nila sa Sta. Rosa, Laguna si Alden Richards nang makita namin sa presscon ng Ilustrado. Kahapon lang ang last taping day niya ng Bayani Serye at hindi pa rin siya nakauwi dahil dadalo sila ni Regine Velasquez-Alcasid sa Masskara Festival sa Bacolod this Saturday.
Sabay sa Masskara Festival ang Western Visayas regional showdown ng Bet ng Bayan.
Nami-miss na ni Alden ang kuwarto niya dahil sa mga hotel siya nagtsi-check in, natutulog at naliligo habang busy pa sa rami ng trabaho.
- Latest
