KC ligtas na sa dengue!

Nagpapasalamat si KC Concepcion sa Diyos at sa lahat ng mga nagdarasal para sa kanyang mabilis na paggaling.

Ang pagtaas ng kanyang blood platelets ang good news kahapon ni KC sa fans at supporters niya.

Ang pagtaas ng blood platelets ni KC ang indikasyon na bumubuti na ang kalagayan niya mula nang ma-diagnose na may dengue siya.

Dinalaw si KC sa ospital ng kanyang tatay na si Gabby Concepcion.

Pinasalamatan din ni Gabby ang mga nagdasal para sa kaligtasan ng kanyang panganay na anak:

“My carbon copy little baby girl is sick :( but I am glad that she is recovering :) from H fever - Hemorrhagic Fever (dengue). Everyone, thank you for your prayers and use Citronella oil or any mosquito repellant. Prevention is better than cure. I love you baby!”

Relasyon kumpirmado Carla magdamag binantayan sa taping si Tom

Walang naniniwala na hindi pa girlfriend ni Tom Rodriguez si Carla Abellana.

Saksi ang studio audience at ang production staff ng Don’t Lose the Money sa pagbabantay ni Carla kay Tom sa taping ng game show nito noong Martes.

Ang sey ng isang eyewitness, ipinakilala ni Tom si Carla sa mga contestant ng Don’t Lose the Money. Inabot ng madaling-araw ang pagbabantay ni Carla kay Tom dahil natagalan ang taping ng morning game show ng GMA-7.

Lalong naging close sina Carla at Tom nang magkasama sila sa My Destiny. May mga karelasyon pa ang dalawa nang gawin nila noong 2013 ang My Husband’s Lover.

Nang umpisahan nila ang taping ng My Destiny, pareho nang single sina Tom at Carla kaya hindi kataka-taka na magkagustuhan sila.

Matatapos na ang My Destiny. Mababawasan na ang mga trabaho nina Carla at Tom kaya may panahon na sila para mag-date. Natandaan ko kasi ang alleged claim ni Carla sa isang interbyu na hindi pa niya boyfriend si Tom at wala silang time na lumabas o mag-date.

Kylie muntik maipit sa presscon ng pelikula at serye

Na-postpone ang presscon ng Dilim, ang horror movie ng Regal Entertainment Inc. na showing sa mga sinehan sa October 22.

Inilipat sa ibang araw ang presscon ng Dilim na may conflict sa press launch ng Ilustrado, ang coming soon teleserye ng GMA-7.

Ano ang koneksyon ng Dilim sa Ilustrado? Starring sa Dilim si Kylie Padille at mapapanood din siya sa Ilustrado.

Hindi puwedeng magsabay ang presscon ng Dilim at Ilustrado dahil mahihirapan na maglagare si Kylie.

Si Kylie ang bidang babae sa Dilim at siya ang Leonor Rivera sa buhay ni Jose Rizal sa Ilustrado. Si Alden Ri­chards ang gumaganap na Jose Rizal.

Televiewers nabitin kay Alden!

Malaki na ang improvement ni Alden Richards bilang co-host ni Regine Velasquez sa Bet ng Bayan, ang talent search show ng GMA-7.

Napansin ng viewers ng Bet ng Bayan na confident na si Alden bilang host.

Isa lang ang reklamo nila, bitin daw ang weeknights v­iewing nila ng Bet ng Bayan. Hinihiling ng viewers na dagdagan o habaan ng GMA-7 management ang airing time ng talent search show nina Alden at Regine mula Lunes hanggang Biyernes.

Ikinukumpara sa American Idol ng Bet ng Bayan loya­lists ang favorite show nila sa Kapuso Network.