Feng Shui ni Kris sa 2015 MMFF hahabol?!

Mukhang magkakatotoo ang nabanggit ni Kris Aquino na baka hindi makahabol sa 2014 Metro Manila Film Festival (MMFF) ang entry niyan­g Feng Shui dahil hindi tuluy-tuloy ang kanilang shooting. Nagbiro ang TV host-actress na sa 2015 MMFF hahabol ang movie, pero hindi papa­yag ang Star Cinema, si director Chito Roño, at ang fans ni Kris.

Sa Friday, may shooting si Kris ng Feng Shui bago siya lumipad ng Japan sa Sunday para sa Kris TV Japan Diary. Mula October 19 hanggang sa 28 sa Japan si Kris dahil pupunta siya sa Osaka, Nara, Mt. Fuji, at Tokyo, kaya medyo matagal.

Hindi makakasabay kay Kris sa pag-alis for Japan sina Josh at Bimby dahil may shooting si Bimby sa Saturday ng Praybeyt Benjamin 2, kaya susunod ang magkapatid. Makakasama rin ni Kris ang mga ate niya sa Japan trip.

Tom natulala kay Juday!

Ilang araw na ring walang maayos na tulog si Tom Rodriguez dahil sa taping ng My Destiny at Don’t Lose The Money. Hindi namin ito nakausap nang matagal sa last press visit para sa serye dahil nagmamadali at sa bundok ng Laguna ang next scene.

Sandali rin lang yata ang kamustahan nila ni Carla Abellana, kaya hindi man lang na-interview ng sabay ang dalawa. Kasal nina Grace (Carla) at Jacob (Sid Lucero) ang kinunan ni direk Joyce Bernal, madi-disappoint ang naghihintay ng Grace at Matteo (Tom) ending. Pero sabi ni direk Joyce, ‘wag munang magalit at malungkot ang TomCar fans, hintayin ninyo ang pagtatapos sa Friday ng My Destiny.

Hindi pala halatang walang tulog si Tom dahil hyper ito nang makita namin sa taping at kahapon, sa ta­ping naman ng Don’t Lose The Money siya nag-report. Tinapos din nito ang shooting niya ng Quantum Films movie na Beauty In a Bottle na showing na sa October 29.

Tinapos din ni Tom ang T’yanak na showing din sa Oct. 29 sa direction nina Peque Gallaga at Lore Reyes. Star struck si Tom sa dalawang directors at kay Judy Ann Santos na first time niyang nakatrabaho. Role ni Ramon Christopher sa original Tiyanak ang ginampanan ni Tom sa pelikula.

Kahit busy, may time pa rin sa charity si Tom dahil sa November 14, makakasama siya ni Ms. Mel Tiangco sa Celebrity Ukay-Ukay Bazaar sa World Trade Center. Ang proceeds ay para sa pagpapagawa ng schools sa Samar, kung saan lumaki si Tom.

Ang kapalit ng pagpupuyat at pagpapagod ni Tom ay ang good reviews sa acting niya sa My Destiny at mahusay na host ng Don’t Lose The Money. Pampaalis din ng pagod ang nomination ng My Husband’s Lover sa International Emmy Awards for Best Telenovela category. Sa November 24, 2014 sa New York ang awards night.

Also, makakapag-bonding sina Tom at Carla ‘pag nanood sila ng concert ni Katy Perry sa Australia sa November. Finally, magkakaroon sila ng time na magkasama at makapag-usap ng tungkol sa panliligaw ni Tom kay Carla.