Joross ipinipilit na dalawang taong di nakikipag-sex sa ka-live in na GF
Sunud-sunod na nga ang showbiz wedding simula November 29, sa kasal nina Joross Gamboa at fiancée nitong si Katz Saga. December 12, naman daw ang kasal ng engaged couple na sina JC Intal at Bianca Gonzalez.
Sa Dec. 30 ang Royal Wedding nina Dingdong Dantes at Marian Rivera. Sa February 14, 2015 ang wedding nina Cheska Litton at Tyke Kalaw at kinabukasan, Feb. 15, kasal nina Sen. Chiz Escudero at Heart Evangelista. Sunod sina Patrick Garcia at Nikka Martinez sa March 21.
March 2015 din ang wedding nina Gab Valenciano at fiancée nitong si Tricia Centenera. Kundi April, May 2015 ang wedding nina John Prats at Isabelle Oli na engaged na rin.
Hindi natin alam, baka may bigla na lang magpakasal bago ang nasulat naming mga petsa, gulatin ang tao. Kaya abang-abang lang tayo.
Kuwento ni Joross sa pictorial ng Dilim ng Regal Entertainment movie na showing sa October 20, right time na for him to get married dahil sa Nov. 28, birthday niya at 30 years old na siya.
Ayaw maniwala ng press sa sinabi ni Joross na may purity pact sila ni Katz na kahit live in sila, hindi sila nagsisiping for two years na raw.
Kung kailan naging nanay, Yasmien gumigiling-giling sa bar
Balik-Afternoon Prime si Yasmien Kurdi sa Yagit, kung saan ginagampanan ang role ni Dolores Macabuhay na ina ni Eliza (Chlaui Malayao). Hindi isyu sa kanya na pang-hapon ang bagong soap after ng Rhodora X dahil sa panghapong soaps siya nakilala.
Pini-pressure ng press si Yasmien dahil kabilang siya sa magdadala sa show at magpapa-rate rito dahil hindi pa kilala ng viewers ang mga batang ilu-launch. Wish lang ni Yasmien, mag-rate, panoorin, at magustuhan ng tao ang Yagit na palabas na simula bukas.
Tuwang-tuwa si Yasmien sa mga batang bida ng Yagit, mahuhusay kahit first time umarte. Tiniyak nitong hindi lang si Chlaui ang magugustuhan, mai-in love rin ang viewers kina Zymic Jaranilla, Judie dela Cruz, at Jemwell Ventinilla. Kahit ang dagdag sa cast na si Steph Yamut ay nagpakita ng gilas, muntik nga lang nito masapawan si Chlaui sa pagiging Inglesera at bibo!
Challenge kay Yasmien ang role niya sa soap na naging GRO at star dancer ng club dahil ngayon lang niya ginawa kung kailan wife and mother na siya. Tinulungan naman siya ni direk Gina Alajar at staff na maging komportable sa dance scene niya at pati costume ay inayos para hindi siya makitaan.
Julie Anne, KC, at Abra ayaw sabihin ang role sa Kubot
Nag-pictorial na ang cast ng Kubot: The Aswang Chronicles 2 at kasama sa nag-pictorial sina Julie Anne San Jose, KC Montero, at Abra.
Walang sinasabi si Julie Anne at KC kung ano ang partisipasyon nila sa Kubot at hindi nga nila nababanggit sa Instagram (IG) nila. Wala ring clue si direk Erik Matti, basta kasama ang tatlo.
Naging mas controversial ang Kubot sa pagtanggi ni Lovi Poe na gawin ang pelikula for reasons na siya lang ang nakakaalam. Ang Bb. Pilipinas contestant at graduate ng Ateneo at technical consultant sa isang IT company na si Hannah Ledesma ang ipinalit kay Lovi.
- Latest
