Labing bililhon

"What do you value most in life? " Pangutana sa pari sa 7:15PM mass niadtong Domingo sa Shrine of Our Lady of Lourdes. Sa walay pagduha-duha, diretso nga nitubag ang akong utok: My Faith! Ug damtan og pila ka mga gutlo, gitubag sa pari ang iyang kaugalingong pangutana, ug managsama ang among hunahuna—faith, pagtuo ang angayan nga maoy labing bililhon para kanato niining kalibutana. Pakpak!

Of course kitang tanan nangandoy nga ma-adunahan, naghandum nga makaangkon og maanindot nga panimalay, adunay maayong trabaho, dakong pondo sa bangko ug uban pa, tungod ug alang sa atong pamilya. Naghandum kita to be emotionally, financially, physically stable. Walay dautan niining maong pangandoy. But famous preacher Bro. Bo Sanchez said, "When the soul is ready, blessings will come in."

And I agree. Don't get me wrong ha, dili ko righteous nga pagkatawo, dili sab ko mangangkon nga buotan ko, diosnon ko ug malangit ko. Pero husto man si Bro. Bo, kun andam ang imong kalag, kaliguon ka sa Kahitas-an og daghang mga grasya. Unsaon man nimo pag-andam ang imong kalag? Para nako, magdepende kini sa kalig-on sa atong pagtuo. Our faith defines us, provides for us, facilitates for us. Pero akong usbon ang akong baruganan: Faith is very personal. Ikaw ug ang Ginoo ra gyud ang nasayud unsa ka lig-on sa imong pagtuo, unsa kahugot ang imong pagsalig kaniya.

Apan taliwala sa atong pagka makasasala og pagka kalibutan, makaayo nga atong hatagan og dakong bili ang atong pagtuo, atong amumahon ug palambuon. Gumikan kay sa higayon nga mahinog na kining maong pagtuo kita ra usab ang mupupo sa bunga niini ug kita ra usab maoy makapahimulos. Ang tanan nga atong gipangandoy, ka adunahan, kaharuhay muabot sa tukmang panahon. Ihatag kini sa Ginoo kanato sa panahon nga dili na kalibutanon ang atong kasingkasing.  Matthew 6:33: "But seek first His kingdom and His righteousness, and all these things will be added to you.

My dear okRYANians ang kanta nagkanayon: "Dili sayon ang pagsunod kang Kristo. Daghang tunok ang agian mo. "Tinuod ka na! Apan ang maong mga tunok dili makamatay kanimo, hinunua makapalig-on og maayo kanimo. Busa ayaw kahadlok, ayaw pagduhaduha. Kining tanan maoy musukod sa kalig-on sa imong pagtuo. Go lang kita ng go! Pakpak!

Reaksyon? Ipadala dungan sa imong ngalan ug address ngadto sa: 0928-9903-058