Amy perez ikakasal na uli; Carla magkaka-oras nang mag-diet

SCENE : Nagpakontrobersyal ang veteran singer na si Eva Eugenio dahil ngumiti lamang ito at hindi sumagot nang tanungin kung nagkaroon sila noon ng relasyon ni Manila City Mayor Joseph Estrada. Si Eva ang leading lady ni Estrada sa  1980 movie na Hoy,Tukso, Layuan Mo Ako!

SEEN: Walang masyadong impact ang pag-amin ni Elmo Magalona na may relasyon sila ni Janine Gutierrez dahil matagal nang alam ng publiko ang katotohanan. Sila ni Janine ang magkapareha sa More Than Words, ang early primetime TV series sa November ng GMA 7.

SCENE: Malaya nang makakapagpakasal si Amy Perez sa kanyang longtime partner na si Carlo Castillo dahil naayos na ang annulment problem nila ng ex-husband na si Brix Ferraris. News reporter ng TV5 si Carlo at may dalawang anak na sila ni Amy. 

SEEN: Ang meet-and-greet kahapon nina Anne Curtis at Alexander Dreymon sa activity center ng Trinoma. Ipino-promote nina Anne at Alexander ang Blood Ransom, ang kanilang pelikula na pre-Halloween presentation ng Tectonic Films at Viva Films. 

SCENE: Ang almost perfect impersonation at make-up transformation ni Paolo Ballesteros sa Hollywood actress na si Julia Roberts.

SEEN: Kinumpirma ni Floyd Mayweather, Sr. na matutupad ang pinakahihintay na laban ng kanyang anak na si Mayweather, Jr. kay Manny Pacquiao.

SCENE: Hanggang sa October 17 na lamang ang airing ng My Destiny ng GMA 7. Magkakaroon na ng panahon si Carla Abellana upang magbawas ng timbang dahil palusog siya nang palusog sa mga eksena niya sa My Destiny.