Tiya Pusit pumanaw na

MANILA, Philippines – Natapos na ang pakikipaglaban ng komedyanteng si Myrna Villanueva o mas kilala sa tawag na Tiya Pusit sa magkakaibang sakit matapos bawian ng buhay kagabi.

Sa Philippine Heart Center sa lungsod ng Quezon nalagutan ng hininga si Tiya Pusit bandang 11:30 ng gabi.

Nitong Setyembre lamang ay sumailalim sa double coronary bypass surgery ang komedyante upang matanggal ang bara sa kanyang puso.

Ayon sa kapatid na si Nova Villa, nagkaroon din ng brain hemorrhage, kidney failure at aortic aneurysm ang komedyante.

Wala pa namang ibinibigay na detalye ang pamilya ni Tiya Pusit tungkol sa lamay ng batikang komedyante.