Star Cinema nahabag? Pangalan at picture ni Derek kasama na sa bagong poster ng The Janitor

Birthday ni director Mike Tuviera this Thursday, October 2, kaya parang birthday presentation niya ang Oct. 8 showing ng The Janitor. Birthday gift din sa kanya na graded A ang movie ng Cinema Evaluation Board (CEB).

Ayon kay direk Mike, masuwerte siya sa very strong story, very strong cast, at suporta ng APT Entertainment at Star Cinema. Natuwa ito dahil 80 percent ng gusto niyang cast ang natuloy, ‘yung isinulat niya sa drawing board na names ay pumayag mapasama sa movie. Comeback movie ito ni direk Mike after three years at masaya siya sa kinalabasan. “Personally, this is one of the best films I did,” pagmamalaki nito.

Samantala, pinost nina direk Mike, Derek Ramsay, at Dennis Trillo ang bagong poster ng movie na kasama na ang picture at name ni Derek. Sabi ni Derek “Yes kasama na ako!!!” at sinundan ni Dennis ng post na “Ito ang poster.”

Payagan na kaya siya ng ABS-CBN na mag-promote sa shows ng network kahit man lang sa Aquino and Abunda Tonight nina Kris Aquino at Boy Abunda? Ito rin ang binanggit na show ng ABS-CBN na gusto ni Dennis na mag-promote siya.

Alden sinigurong hindi bakla!

Nag-hosting workshop si Alden Richards kay director Freddie Santos bilang paghahanda sa pagho-host niya sa Bet ng Bayan. Nakatulong din sa kanya ang experience sa pagiging host sa mga school events bago siya mag-showbiz.

Sa presscon, pinatunayan ni Alden na puwede siyang host dahil articulate, hindi na-dead air at mahusay sumagot pati sa controversial questions na may kinalaman kay Aljur Abrenica. Hindi nito sinagot ang tanong kung totoong isa siya sa mga rason nang pag-aalburoto ni Aljur sa network dahil mas magaganda ang projects niya. Nakiusap na ‘wag na lang silang ikumpara para iwas gulo.

Anyway, Sa October 6, 10:05-10:20pm., magsisimulang mag-host ng Bet ng Bayan si Alden, sa October 27 naman ang pilot ng Ilustrado, mag-aabot sa primetime ang dalawa niyang shows.

Samantala, natawa ka­mi sa sagot ni Alden sa tsikang kaya wala siyang GF dahil bading siya. Hindi siya affected dahil kilala ang sarili. “Sigurado akong hindi lalaki ang type ko” sagot nito.

Fabio mas pinili ang anak kaysa sa GF?!

Last time we checked, deleted na sa Instagram (IG) ni Fabio Ide ang picture nila ng GF na si Michelle Pamintuan at kung saan, ipinagmalaki pa nitong they are celebrating their first anniversary as a couple. Nang i-check namin kahapon, wala na ang picture nilang dalawa, pero may picture pa rin si Fabio hawak si baby Danielle Mikayla, ang baby nila ni Denisse Oca.

Ano kaya ang rason sa pagkatsugi ng picture ng GF ni Fabio sa IG nito? Break na kaya sila ni Michelle gaya ng suggestion ni Denisse o iniwas lang siya ni Fabio sa bashing na talaga namang walang humpay hanggang ngayon.

Sabagay, pati si Fabio naba-bash for using the word “casual encounter with Denisse” dahil hindi raw nito nirespeto ang anak at si Denisse.

Kuya Germs makikipagkulitan

kay Vice Ganda, pinayagan ng GMA

Magi-guest sa Gandang Gabi Vice si German Moreno and this Thursday na siya magti-taping. Nagpaalam siya kay Atty. Felipe Gozon kung puwede siyang mag-guest at pinayagan naman. Pumayag si Kuya Germs sa ipagagawa sa kanya ni Vice Ganda, pero nakiusap na walang bastusan at magrespetuhan sila.

Familiar na sa ABS-CBN si Kuya Germs dahil lagi siyang invited sa mga presscon ng Star Cinema mo­vies para mag-interview sa cast ng pelikulang ipalalabas, pero ngayon lang siya maggi-guest sa show.

Nabanggit pala ni Kuya Germs na may balak ang management ng GMA 7 na ibalik ang That’s Entertainment, pero hindi muna siya pumayag dahil once a week at Saturday lang ito eere. Naniniwala si Kuya Germs na para mas bongga ang pagbabalik ng show, mas maganda kung everyday ang airing nito, kaya hindi na naman tuloy ang pagbabalik ng That’s Entertainment.

Birthday ni Kuya Germs sa October 4, wala siyang party, isasabay na lang ang celebration sa pa-dinner niya para sa apong si Gabriel Luis Moreno. Saka pinaghahandaan ang Walk of Fame sa December 1, kung saan, kabilang sina Daniel Padilla at Kathryn Bernardo sa mapapasama sa list for this year.