GMA-7 may major shake-up sa pagpasok ng bagong may-ari?
Bago magtapos ang taong 2014 ay papasok na ang bagong management team ng GMA sa pamumuno ng business tycoon na si Ramon Ang kasama ang matagal nang shareholder ng Kapuso Network na si G. Menardo Jimenez.
While Atty. Felipe Gozon and Jimmy Duavit remain as part owners of GMA, ang team na umano nina G. Ang at Mr. Jimenez ang mamamahala sa arch rival ng ABS-CBN.
Natitiyak namin, Salve A. na magkakaroon ng shake-up o mga pagbabago sa business operation ng nasabing major TV network.
Kung hindi nagtagumpay si MVP o Manny V. Pangilinan na makapasok o makuha ang major stock ng GMA, pinagtutuunan naman niya nang husto na makaabante na ang kanyang TV5 in terms of ratings ng mga programa at revenue sa pamamagitan ng advertising support.
Direk Joyce hindi nauubusan ng biyaya
Malapit na rin palang magtapos ang My Destiny na tinatampukan nina Carla Abellana, Tom Rodriguez, Rhian Ramos, at Lorna Tolentino mula sa direksyon ni Bb. Joyce Bernal. Ito’y ibinalita sa amin ni Direk Joyce nang kami ay dumalaw sa shooting ng My Big Bossing’s Adventures last Saturday sa Fernbrook Gardens sa Alabang, Muntinlupa.
Ayon kay Direk Joyce, sa October 15 na ang last taping nila ng My Destiny.
Mapa-pelikula o telebisyon ay hindi nawawala ng trabaho ang lady director who started out bilang film editor in 1994 sa bakuran ng Viva Films.
Kilala si Direk Joyce sa kanyang pagiging cool na director kaya gustung-gusto siya ng mga producer, artista, at production staff na kanyang nakakatrabaho.
Direk Joyce is a single parent sa kanyang kaisa-isang anak na babae, si Liam.
Nadine at James humahabol kina Daniel at Kathryn
Habang mainit na mainit ngayon ang tambalan ng tinaguriang Teen King and Teen Queen na sina Daniel Padilla at Kathryn Bernardo, mukhang hahabol sa kasikatan ng dalawa ang bagong loveteam na sina Nadine Lustre at James Reid na parehong alaga ng Viva at kapwa Kapamilya na ngayon.
Mainit na tinanggap ng fans ng dalawa ang kanilang pilot TV project sa Kapamilya Network, ang My App Boyfie ng Wansapanataym kaya hindi kami magtataka kung isang buong TV series na ang ipagkatiwala sa dalawa.
Ang tambalan nina Nadine at James ay unang napatunayan sa dalawa nilang pelikula under Viva Films, ang Diary ng Panget at Talk Back and You’re Dead.
- Latest
