Albert mulayas sa ABS-CBN?

CEBU, Philippines - Aduna matud pay nagpadayon nga negosasyon karon aron mubalhin si Albert Martinez sa GMA-7. Sa hataas nga panahon ABS-CBN gyud ang pinuy-anan ni Albert. Kasamtangan siya nga makita sa teleserye nga "Sana Bukas Pa Ang Kahapon."

Jodi maoy Amor Powers?

Human nabalita nga mahuman na gyud ang teleseryeng Be Careful With My Heart nagkakusog ang tsika nga si Jodi Sta. Maria maoy padad-on sa role nga "Amor Powers" nga maoy nagpasikat og maayo kang Eula Valdez kaniadto pinaagi sa "Pangako Sa'yo." Apan matud pa sa kampo ni Jodi dili pa sigurado ang Amor Powers nga role.

Surprise appearance

Nasurpresa matud pa si Vin Abrenica sa paglugwa sa iyang maguwang nga si Aljur Abrenica sa gikagubtan ug bag-o pa lamang gipahigayon nga  Cosmopolitan Bachelor Bash. Wala gyud matud pa siya'y kasayuran nga mulugwa ang iyang maguwang, kinsa nilakaw ra usab dayon paghuman nila og rampa sa entablado.

Babaye ang gipangandoy

Kun siya maoy pagbut-on, babaye ang gusto nga mamahimong anak sa karon mabdos nga si Ciara Sotto. Pero suma pa niya nga sa ka dugay niyang paabot nga magsabak na sa unang anak nila  sa iyang bana nga si Joe OConer, wala na matud pa siya'y katungod nga mamili ug hangupon na lamang ang blessing nga gihatag ngadto kanila.

Ipadayon ang kaso

Gikumpirma ni Derek Ramsay nga nahugno ang panagsabot unta alang sa amicable settlement tali niya ug sa kampo sa iyang asawa nga si Mary Christine Jolly, hinungdan nga atubangon matud pa niya ang kaso nga gisang-at sa nahisgutan.

Idungan sa kang Heart?

Sa sayong bahin matud pa sa 2015 ipahigayon ang kasal nila ni Isabel Oli ug John Prats. May mga malisyoso nga naghunahuna nga basin og itunong kini sa birthday ni John karong February 14. Kun mao ni mahitabo, dungan-dungan ang kasal nila sa wedding usab sa ex-girlfriend ni John nga si Heart  Evangelista.

Malipayon para sa pelikula

Nalipay matud pa si Judy Ann Santos sa taho  nga maayo ang kita sa box office sa pelikulang "Maria Leonora Teresa" sa Star Cinema nga iyang gibalibaran kaniadto. Matud ni Juday nga may rason nganong kinahanglan niyang balibaran ang maong pelikula. Hinuon gihimo niya karon ang remake sa horror movie "T'yanak."

Nahugyaw kang Judy Ann

Dako matud pa nga kalipay alang kang Solenn Heussaff nga nalakip siya sa pelikulang "T'yanak" gumikan kay ganahan gyud matud pa siya og horror movies. Dungan niini, dugay na matud pa siya nga nangandoy nga makatrabaho si Judy Ann Santos gumikan kay nakadungog siya nga maayo kaayo kini nga artista, ug karon napamatud-an na gyud niya nga tinuod ang tanan niyang nadunggan.

Geoff mulugwa nag balik

Subli na nga makita sa telebisyon si Geoff Eigenman  pinaagi sa umaabot nga teleserye sa GMA7 "Seasons of Love" nga maoy ihulip sa My BFF. Kahinumduman nga taod-taod siyang wala igkita sa telebisyon human siya gihatagan og "fat memo" gumikan matud pa kay niburot og maayo ang iyang lawas. Karon confident na kaayo si Geoff sa iyang lawas, nirampa pa gani siya sa Cosmopolitan Bachelor Bash nga nag-boxer brief lamang ug nagpakita pa sa iyang sampot.

Idol gyud si Nora

Personal nga gipasalamatan ni Superstar Nora Aunor si Robin Padilla nga nitambong gyud sa special screening sa pelikula niyang "Dementia" sa nilabay nga adlaw. Gipasalamatan sab ni Nora si Binoe gumikan sa pagsuporta niini kaniya niadtong wala siya malakip isip national artist. Sa mao nilang panagkita, nahukman nga mag-produce si Robin og pelikula nila ni Nora. Giangkon ni Robin nga kaniadto pa idol na gyud niya si Nora.

Makalipay nga makaguol!

Nagsagol ang gibati nila ni Richard Yap ug Jodi Sta. Maria, karon nga hingpit na gyud nga mahuman ang ilang teleserye nga ""Be Careful With My Heart" human sa duha ka tuig.

Gipahibawo sa duruha niadtong Huwebes nga kutob na lamang karong November 28, ang nahisgutang teleserye nga nitatak og maayo sa panumduman sa publiko ug gisundan sa matag panimalay.

"May konting siguro sadness na it has to end but we are also happy na siguro na matatapos na, medyo maganda 'yung ano... Hindi 'yung patapos na because kailangang tapusin," nagkanayon si Yap, nga mas naila isip Sir Chief sa serye.

"Lahat naman ng nagsisimula ay may katapusan, at alam namin na darating din ang yugto na ito sa programa," dason usab ni Jodi, kinsa maoy nagdala sa papel ni Maya.

Sa pagtapos sa maong serye, makita si Yap sa Metro Manila Film Festival entry nga "Praybeyt Benjamin" nga bituonan ni Vice Ganda karong Disyembre. Samtang si Jodi gihugon hugon nga maoy mudala sa papel nga "Amor Powers" sa remake sa hit series nga "Pangako Sa'yo" nga pagabituonan matud pa nila ni Kathryn Bernardo ug Daniel Padilla, nga gikatahong isalida sa sayong bahin sunod tuig.

June daghan og projects

Nahuman man tuod ang teleseryeng Dyesebel ni Mr. Manhunt International 2012 June Macasaet, apan wa gihapoy puas ang mga breaks nga nakuha niya locally ug internationally.

Anaa na ang gipagawas karon nga Maria Leonora Teresa, pelikula sa Star Cinema nga gibidahan nila ni  Iza Calzado, Zanjoe Marudo ug Jodi Sta. Maria ug diin pud anaa sa support cast si June. Di gihapon mawa ang presensya ni June sa mga prestihiyosong rampa ug modelling events parehas na lang sa A Night of the Stars: A Celebration of Philippine Barong and Filipiniana nga pagahimuon sa Philippine International Convention Center (PICC) karung buwan sa Septiyembre.

Aktibo gihapon si June sa pag-promote og New Placenta for Men sa Psalmstre Enterprises, Inc. isip endorser niini. Kabahin na dinhi ang Twosome@MDC, ang nationwide promo tour sa New Placenta sa Mercury Drug stores kun diin permi pud niyang makauban ang beauty titlist ug endorser sa New Placenta nga si Stephany Stefanowitz.

Sa photo shoot nga para sa 2015 Calendar sa New Placenta for Men, mabantayan gyud ang halos walay pagbag-o sa gahi niya nga panglawas sugod sa panahon diin nahiuli niya ang labing una nga tropeyo sa atong nasud gikan sa Mr. Manhunt International competition duha na ka tuig ang nilabay.

"Regular workout, siyempre, kasi I need to stay fit. Pag maluwag sa schedule I make it a point na umuwi sa Batangas. Doon panay ang swimming ko and at the same time bawi rin sa rest," ingon pa ni June.

Unsa pa man ang gikabalak-an ni June karon? "Thankful ako na hindi ako nababakante. In fact, nasa China ako for a fashion show from September 25-30, 2014. And hopefully pag-uwi ko, may update ulit ako sa inyo ng mga gagawin ko pang projects. For now, sana suportahan nila ang movie naming with Star Cinema, ang Maria Leonora Teresa, and of course salamat sa lahat ng nag-aabang lagi ng Twosome@MDC tour at sa kanilang continued patronage sa New Placenta for Men by Psalmstre!"

Gidala-dala man ni June ang mga niaging intriga, pero sakto ug igo lang gihapon tungod sa wa ug too niya nga mga proyekto.