Fans umaalma Dennis at Jennylyn hindi na nagtatago, lantaran na ang ‘balikan’
Nagkagulo sa Instagram (IG) ni Dennis Trillo after mapanood ang video ng aktor na nagti-training sa Ninja Academy at marinig ang boses ng isang babae na tuwang-tuwa dahil nagawa ni Dennis ang workout. Sa umpisa, naghulaan lang kung sino ang girl pero ang mga humulang si Jennylyn Mercado ang girl na masayang nag-cheer kay Dennis ay tumama ang hula.
May picture sina Dennis at Jennylyn at naka-post kung saan sila nag-training at tama na naman ang mga humulang magkasama ang dalawa. Dito na nagkagulo ang fans na solid Dennis at sa love team nila ni Jennylyn noong may relasyon sila.
Siyempre pa, kinilig ang mga maka-Dennis at Jennylyn at nabuhay ang DenJen fans, merong suportado pa rin ang aktor may Jennylyn man o wala. Pero may ilang solid fans si Dennis na ayaw na maging sila uli ni Jennylyn. Ayaw daw nilang maulit ang nangyari noong mag-break ang dalawa at naapektuhan ang career ng aktor.
Palitan ng opinion ang dalawang grupo ng fans, nagkapersonalan na, naingayan si Dennis kaya nag-post ng quotation na “Keep Calm and Say Bitch, I Don’t Live To Please You.” Pero ayaw pa ring papigil sa kani-kanyang opinion ang dalawang grupo ng fans, tingnan natin kung saan aabot ang “ingay” at “gulong” ito.
Kaya asahan nina Dennis at Jennylyn na kung magkakabalikan sila, hindi lahat matutuwa. Pero naalala ng fans at ng press na parehong nagpahayag sina Dennis at Jennylyn na sila ang klase ng tao na hindi bumabalik sa kanilang ex.
Hindi pinost nina Dennis at Jennylyn sa kani-kanyang IG ang picture nilang magkasama, alam siguro na ‘pag ginawa nila ‘yun, mas lalong magkakagulo ang fans. Curious kami kung ano ang ilalagay nilang caption sa picture.
Hindi sa gym ang unang pagsasama nina Dennis at Jennylyn dahil sabay din silang nag-recording ng duet nilang After All na kasama sa Never Alone album ni Jennylyn.
‘Kaloka lang si Dennis dahil nang tanungin namin sa presscon ng Hiram na Alaala kung saan sila nag-recording, hindi raw niya maalala. Ang naalala, kumain sila after mag-recording.
Sa October 5, ilu-launch ni Jennylyn sa Sunday All Stars ang kanyang album at tiyak na matutuwa ang DenJen fans kung kasama sa kakantahin ni Jennylyn ang duet nila ni Dennis.
Samantala, tingnan din natin kung tama ang ibang fans ni Dennis na baka maapektuhan ang promo ng Hiram na Alaala sa muli niyang pagkaka-link kay Jennylyn. Paano na raw si Kris Bernal na open sa pag-aming crush si Dennis?
- Latest
