Karylle ayaw maniwala na may sumpa ang Showtime

May bulung-bulungan na nasuspinde diumano si Billy Crawford ngayon sa Kapamilya network dahil sa kontrobersiyang kinasasangkutan ng aktor. Pansamantalang hindi napapanood si Billy sa It’s Showtime kaya marami ang nagtatanong tungkol dito.

Nagbigay ng reaksyon si Karylle na kasamahan ni Billy sa nasabing programa tungkol sa isyu. “Hindi naman. Si Billy kasi is shooting ng Moron 2.5. Ako, wala naman akong nabalitaan. I can’t really speak for him or for anyone else but for myself it’s a different demand and a different pressure. So we all have our own ways of dealing with it. So that’s all I can say. Hindi ko rin naman alam. I can’t really say kasi hindi ko alam,” pahayag ni Karylle.

Matatandaang nasangkot din noon sa iba’t ibang kontrobersiya ang iba pang hosts ng programa katulad nina Vice Ganda, Anne Curtis, at Vhong Navarro kaya naman may mga nagsasabing baka mayroon daw tinatawag na ‘Showtime Curse’. “I believe our words are powerful, so whatever you choose to say, that becomes reality. So choose your words wisely. You could choose to believe it or not but I choose not to believe it because I don’t want to be part of anything na will be bring anyone harm. I believe naman in the goodness of God. Dumaan na kasi ako sa buhay ko na iniisip ko ganito ‘yan eh, you can make your own tags. So ikaw pipili, kung gusto mong paniwalaan na may sumpa, mangyayari ‘yun. Kung gusto mong maniwala na meron ganitong gift or blessing, ‘yun ang mangyayari. So bahala na kayo kung ano ang gusto n’yo. Kasi sometimes people connect the dots and the dots you usually see are the most obvious,”  paliwanag ni Karylle.

Bagong serye ni Jericho para ring The Legal Wife

Nakatakda nang simulan ang taping ng bagong teleserye ni Jericho Rosales. Makakasama ng aktor sa bagong proyekto sina John Lloyd Cruz at Maja Salvador. “It’s happening. We are going to start taping on Friday. I don’t know kung kailan nila ie-air but we are all excited. I just came from the look test and pictorial of the show. Lahat kami excited about it,” bungad ni Jericho.

Para sa aktor ay talagang dapat abangan ng mga manonood ang kanilang bagong soap opera dahil sa kakaibang atake nito. “Maganda ulit siya. Nabasa ko ‘yung pilot script namin, exciting siya. Ang approach niya parang sa The Legal Wife na realistic. Cinematic pero true-to-life ‘yung approach. I’m going to be working again with The Legal Wife team so makakasiguro kayong maganda ‘yun,” pagbabahagi ng aktor.Reports from JAMES C. CANTOS