Tinapa susi sa pagyaman ng isang milyonarya

MANILA, Philippines – Ang Amanda’s Premium Bagoong ang bukod tanging bagoong na ipinangluluto ng Queen of All Media na si Kris Aquino. “The best” umano ito sa pagluluto ng pork binagoongan kaya inirekomenda niya ito sa Kris TV.

Kung pagdating sa telebisyon ay si Kris ang bida, pagdating naman sa mga bagoong, tinapa, at tuyo, si Amanda Batad ang reyna.

Tunghayan ang kwento ng kanyang tagumpay sa pagsasalaysay ni Karen Davila bukas (Sept 10) sa  My Puhunan.

Tuyo at tinapa ang bumuhay sa pamilya ni Amanda. Grade 3 pa lamang siya ay working student na siya. Nang maka-graduate ng kolehiyo, panandaliang namasukan si Amanda sa isang opisina ng gobyerno bago mag-resign makalipas ng isang linggo at sinunod ang tawag ng tinapa – ang pagnenegosyo.

Nagsimula man siya sa pangungutang ng puhunan noon, may sariling factory na siya ngayon na kumikita ng milyon.

Tutukan na ang katuwang ng Pilipino sa pagsisimula at tagumpay, ang My Puhunan, bukas (Sept 10), 4:50PM pagkatapos ng Ana Manuela sa ABS-CBN.