Young actor naka-leather jacket kahit tirik na tirik ang araw
Sa presscon ng isang pelikula ay nagtatawanan ang ilang reporter dahil nakasuot ng leather jacket ang isa sa mga bida gayung kay init-init ng panahon.
Sabi tuloy ng baklitang reporter: ‘‘Feeling siguro niya ay sikat siyang action star.”
Nang matapos ang presscon ay nakita nilang sumakay sa kanyang kotse ang aktor at ‘di pa rin hinuhubad ang jacket gayung matindi ang sikat ng araw.
Wenn, feeling bagong direktor
Isa sa pinakamagaling na director si Wenn Deramas sa kanyang henerasyon at halos lahat nang ginawa nitong pelikula ay blockbuster gaya ng Tanging Ina film franchise, Mula Sa Puso (The Movie) Boy, Bakla, Tomboy at marami pang iba. Lilihis muna sa nakagawiang comedy ang director dahil natapos na niya ang horror movie na Maria Leonora Teresa.
Ano ang pakiramdam niya?‘‘Feeling ko nga bago akong director. Mas mahirap ang horror kaysa comedy dahil sa pelikulang katatawanan maaga akong natatapos. Sa horror hihintayin mo pang gumabi para makapag-shoot ka at kailangan ay wala kang mami-miss na detalye. Mabuti na lang at sinuportahan ako ng ABS-CBN.”
Magpapahinga muna sa comedy si Zanjoe Marudo dahil gaganap itong baklang titser na adoptive parent ni Leonora sa pelikula ni Direk Wenn.
- Latest
