Mark may naiwang unfinished business

SEEN: Ang report na patuloy ang imbestigasyon para matukoy ang tao na nagkalat ng mga sex video ni Paolo Bediones. Hindi pa rin natutukoy ang mga tao na nagkalat sa Internet ng mga sex video nina Hayden Kho,Jr., Wally Bayola, at Chito Miranda.

SCENE: Nagbago ang trato sa mga Pilipino sa Sevilla, Spain dahil sa panalo ng Gilas Pilipinas Team sa laban nito sa Senegal Team sa 2014 Fiba World Cup. 

SEEN: Ang mga tweet ni PLDT at TV5 Chairman Manny V. Pangilinan (MVP) tungkol sa kanyang pagiging proud Filipino dahil sa tagumpay ng Gilas Pilipinas sa 2014 Fiba World Cup: “The joy of being part of a global community; pride in telling everyone I’m Filipino; the supreme delight in hearing our national anthem played to a packed, mixed audience; the taunting vs those Senegalese, Argentinians and Puerto Ricans, all in good fun; Gilas in blue, Senegal in green and white — what’s this, an Ateneo/La Salle game? — the despair of losing, and me getting sick after that bone crushing defeat from Croatia; the surprise and adulation of foreign teams and foreign media with Gilas; the satisfaction of finally being seen and treated as equals here in Sevilla; superb Spanish cuisine and siesta (the Spanish yoga) — all these a kaleidoscope of deep, deep emotions. “Very proud to be Pinoy — every moment, every inch, every way. I will die to make our country prouder.”

SCENE: Ang encouraging words na natatanggap ni Lovi Poe dahil sa isyu ng sama ng loob sa kanya ng direktor na si Erik Matti. Mabigat at masasakit ang mga salita na pinakawalan ni Direk Matti laban kay Lovi at tinawag na starlet dahil sa diumano’y pagtanggi nito na mag-shooting ng dalawang araw para sa Kubot, ang 2014 Metro Manila Film Festival (MMFF) official entry na sequel ng Aswang: The Tiktik Chronicles.

SEEN: Unfinished Business ang pamagat ng pelikula na hindi na magagawa ni Mark Gil dahil sa kanyang pagpanaw. Si Cherie Gil ang producer ng Unfinished Business na pagbibidahan dapat ni Mark at ng anak nito na si Sid Lucero.

SEEN: Kasama pa rin sa cast ng Moron 5 sequel si DJ Durano, ang ex-boyfriend ng direktor na si Wenn Deramas. Naging magkaibigan ang dalawa matapos ang kanilang bitter break-up at sampung taon na relasyon.