Hugyawnatic

Dear Banat Hugyaw,

Hello! Have a nice day! Just call me Nebs, 33-years old. Taga Talisay ko, diri sab nako nakaila ang lalaki nga una nakong gimahal. Working student ko before. Nagpa maid ko.Tapos nkasuod nako ang pag-umangkon sa akong amo hangtod nahimo nakong hinigugma. Sa sinugdanan abi nako sa drama or salida lang mahitabo ang giingon nga langit ug yuta, pero dli diay kay nahitabo man sa akng kinabuhi. Supak ang akong amo sa relasyon namo sa iyang pag umangkon kay lagi katabang lang ko nila. Dili siya makadawat nga usa ka katabang ang ma-asawa sa iyang pag-umangkon. Gipanglabay akong mga sanina sa gawas kay gpalayas ko. Pero, nagpabaga lang ko ato, kay og molayas ko unsaon naman lang akong pag-eskwela?

After sa akong graduation nipauli ko sa among province nga wala mgpahibw sa akong boyfriend kay na-realized nako nga sakto akong amo, dili ko angay ma belong sa ilang pamilya, kay langit sila ug yuta lang ko sa ilang pagtan -aw. Sakit man pero, kinahanglan dawaton.

Abi nako mao nato ang ending sa among relation. Pero, sayop ko kay niapas nako akong boyfriend. Gipakita niya nako kon unsa ko nya ka mahal ug gawasnon nami ato nga time, ug padayon ang akng pag-eskwela tungod sa iyang abag ug suporta. Malipayon me sa among relation. Niabot mi og 5yrs.

Pero,dili diay didto natapos ang among pag-antos, kay ang 5 years namong relation nahugno sa usa lang kahigayon. Nakasakay na akong bf sa barko ug nitawag siya nako nga nkasala siya kay nakapabuntis. Sa akong nabati mura ko og gidat- ugan sa tibuok kalibutan kay ang tanan namong mga plano daw sa gihapak og dagkong balud ug giigo sa makusog nga unos sa hangin…nahanaw ang tanan.

Hangtod nga ni- attempt ko og hunos sa akong kinabuhi, kay alang nako wala nay pulos nga magpaka buhi ko. Kay siya lang ang tanan alang nako, which is, dakong sayop ang akong pagtoo tungod kay gihatagan ko og laing higayon sa Ginoo nga mabuhi. Ug dha naku na realized nga igo lang diay siya nga gipahuwam sa Ginoo naku ug dili diay siya  ang tawo nga gitagana alang nako.

Karon, nadawat na nako ang una nakong kapakyasan sa gugma. Ug niabot ra ang hustong higayon, ang right guy nga para nako. Malipayon ko karon uban sa lalaki nga tinuod nagmahal nako.Ug tinuod jud ang giingon, nga "ang pinaka maganda na nagawa ng paa natin ang maglakad patungo sa altar kasama ang taong mahal mo" Salamat Banat Hugyaw!  Please print the lyrics of the the song…I DO. Thank you to my husband Harim Suerte

Lesson:  Be strong and forgive!

Hi Nebs! Salamat sa imong LOVE STORY. Paabuta ang lyrics sa kanta nga "I Do" by 98 Degrees ugma puhon nga atong ipatik.

Dear HUGYAWnatics aduna ba kamoy LOVE STORY? Ipadala ka na pinaagi sa Banat Hugyaw Page sa Facebook o email sa: [email protected]