Eskina tampo Kalami ihigop

Ting-uwan na karong panahona ug tugnaw na usab ang panahon ilabi na nga motungtong na ugma ang "Ber", yes September na! Basta tugnaw gani, lami kaayo ihigop og sabaw, kasagaran sa mga Pinoy, mao gyud kini ang naandan.

Ato kahang sutaon kung unsa nga mga sabaw ang kasagaran nga pangitaon sa Pinoy panahon sa tingtugnaw. Kamo, basin duna pa mo'y wala matilawi, ug makabaton mo og ideya kung unsa nga mga sabaw ang buot ninyo nga tilawan. Magpainit na ta mga ka-baranggay, nindota ah!

Mao kini ang Top 5 nga mga paborito sa  Pinoy nga mga pagkaon nga swak sa ting tugnaw nga panahon:

1. Sinigang

Sabaw nga aslom nga giluto pinaagi sa pagpabukal og karne o ba kaha seafood ug gipun- an og pagpang-aslom sama sa sambag o ba kaha suka. Nagdepende ra gyud nimo kung asa nimo feel. Apan common nga pampaaslom mao ang sambag. Mahimo ra pud ka nga mogamit sa  ubang prutas sama sa kamias, green mango, ug pineapple.

2. Arroz Caldo

Kung sa iningles pa gitawag ni siya og "Warm Rice", gitawag usab nga congee ug lami kaayo kini kaunon sa panahon sa tingtugnaw. Mahimong kaunon sa pamahaw or himuon og snacks sa hapon.  Lat-i lang ang manok nga gigagmay og hiwa ingon man usab bugas (pilit). Butangan og asin, ug seasoning mix, puwes pabukala dayon og maayo.

3. Nilagang Baka

Para nako mao ni labing sayon nga Pinoy soup nga himuon.  Lat-an og maayo ang karneng baka ug mahimo dayon nga sagolan og utanon, kini sama sa patatas, baguio beans, pechay ug carrots. Lami kaayo ni higupon.

4.Pochero

Kani nga putahe para nako same ra sa "Nilaga". Naa ni siyay unique mild sweet and sour nga flavor, pwede butangan og bananas para naay gentle touch of sweetness. Usa sa importanteng ingredient kay ang tomato sauce, makapanindot sa color sa maong dish ug mao pud ang mag- hatag sa mild sour taste. Ang Beef Pochero para nako lami parisan og hot steamed rice.

5. Tinola

Ang tinola kay ginger and onion based soup nga gi gamitan og manok isip iyang core ingredient. Usa kini ka authentic Pinoy main dish sinagolan og unod sa green papaya ug butangan dayon og sili espada.  Mahimong sagolan og kamunggay. (Madungog si Papa Don Romantiko  sa Barangay RT 99.5 gikan Lunes hangtud sa Biyernes sa programang Three play, 3-6pm. Aduna pud siya'y programa sa Domingo nga nag-ulohan og Sunday Bida, 9-11am)