Nataypan gihapon

CEBU, Philippines- Matud pa ni Robin Padilla nga makadawat gihapon siya og mga indecent proposals bisan pa man minyo na siya. Dugang usab ni Robin tungod sa mga modernong teknolohiya karon daghang eskandalo ang manggawas ug dali ra kining mokatap sa social media. “Kung walang technology, baka makasingit ka pa. Eh, sa ngayon, ang mga motel o hotel ngayon may camera, may CCTV camera na,” suma pa ni Robin.

Liwat ni Papa

Mag-artista na ang anak ni Niño Muhlach nga si Alonzo , diin lakip kini sa pelikula nga “Almost A Love Story” nga ipagawas karong Oktubre 15.Malakip usab si Alonzo sa pelikulang “Kubot: Aswang Chronicle 2” nga nalakip sa MMFF karong tuiga. Kahinumdumang nagsugod kaniadto si Niño isip child wonder.

Invited gihapon

Bisan pa man dili maayo ang buot nila ni Marian Rivera ug sa iyang kanhi manager nga si Popoy Caritativo imbitado gihapon kini sa umaabot niya nga kasal karong Disyembre. Apan suma pa ni Marian nga bisan pa man nga dili maayo ang panagbuwag nila sa kanhi manager, pinangga gihapon kini niya ug wala siya’y gitago nga kahiubos niini.

Kabit si Natalie

Natalie Hart ang bag-ong screen name sa Starstruck avenger nga si Princess Snell. Matud pa ni Natalie nga daghan ang ni-unfollow niya sa social media kay matud pa nga fake ang iyang account. Nalakip si Natalie sa pelikulang “Somebody to Love” diin kabit ang iyang role. Mao kini ang labing unang pelikula niya isip Natalie.

Excited na

Gibutyag ni Smokey Manaloto nga malipayon siya nga siya mao ang modala isip amahan ni Kim Chiu sa ikaduhang yugto sa seryeng “Ikaw Lamang”. Dugang usab ni Smokey nga naghinam-hinam na siya nga makaeksena si Kim.

Di pa magpakasal uy

Tsika pa ni Valerie Concepcion duha pa ka tuig sukad karon ang plano niyang magpakasal, kini human gitsismis nga nagpakasal na sila sa iyang boyfriend nga si Kristopher Tumambing.

Unsa man gyud?

Giingong nagselos ang boyfriend ni Erich Gonzales kang JC De Vera sa pelikula niining “Once A Princess” ug karon magbalik pag-usab nga makatrabaho ang duha sa “Shake, Rattle & Roll”. Matud pa ni Erich nga nakasabot ra ang iyang uyab sa iyang trabaho isip artista ug dili kini angay nga pagselosan niya.

“Dementia” isalida na

Si Nora Aunor ang bida sa umaabot nga indie film nga giulohan og “Dementia” nga ipagawas karong Septiyembre 24. Nalakip usab sa maong pelikula sila si Jasmine Curtis, Bing Loyzaga, Chynna Ortaleza, Jeric Gonzales, Althea Vega, Lui Manansala ug Yul Servo.

Nahugyaw kang Iza

Gidayeg ni Alex Castro ang pagka maayo ni Iza Calzado sa natad sa pag-arte. “Kapag siya yung ka-eksena mo, madadala ka talaga sa kanya, sa acting niya, sa portrayal ng role niya” suma pa ni Alex. Nalakip si Alex sa pelikulang “Somebody to Love”.