KC gihangop
CEBU, Philippines- Mga positibong feedback ang kasagaran nga reaksyon nga nadawat ni KC Concepcion sa iyang inartehan sa Ikaw Lamang Book II sa ABS-CBN. Suma pa nga molutaw ang abilidad ni KC sa pag-arte ilabi na kung si Coco Martin ang iyang ka-eksena.
Dili lalim
Nalingaw si Joseph Marco sa pula niya nga buhok sa pelikulang Talk Back and You're Dead . Suma pa ni Joseph nga dili lalim ang pagbutang niini gumikan kay molungtad kini og duha ka oras.
Trabaho gihapon
Tsika pa ni Marian Rivera nga bisan busy na siya sa preparasyon sa umaabot nga kasal nila ni Dingdong Dantes, dili gyud niya pasagdan ang iyang showbiz career busa todo trabaho gihapon siya karon sa iyang TV ug movie projects.
Igsuon ni Zaijan nag-artista
Makita sa seryeng Yagit sa GMA-7 ang igsuon ni Zaijan Jaranilla nga si Zymic. Malipayon ang Kapamilya star nga si Zaijan sa naabtan karon sa iyang igsuon.
Gimingaw sa iyang pagka-maestra
Gimingaw na si Isabelle Daza sa iyang trabaho niadto isip pre-school teacher. Busy karon ang aktres sa nagsagunson niya nga movie projects.
Lawas ni Enzo
Gipasigarbo ni Enzo Pineda nga maayong pamorma sa iyang lawas ug giingong resulta kini sa pagsige niya og dagan. Adunay birthday presentation si Enzo sa Sunday All Stars kagahapon ug nasaksihan sa kadaghanan ang kalamboan sa pamorma sa iyang lawas.
Paolo tak-om gihapon
Nagpakahilom lang si Paolo Bediones sa laing sex video nga nikatap karon. Giingong duna pa'y umaabot nga mga video nga molugwa puhon ug gidudahan nga si Paolo ang lalaki nga nakita sa maong sex video.
Proud sa anak
Gipasigarbo ni Geneva Cruz ang iyang anak nga si Heaven kay drummer kini sa usa ka banda nga nagbase didto sa Los Angeles. Ang grupo sa iyang anak ginganlan og Mad Minute.
Ninang si Ate V
Naghinam-hinam na si Governor Vilma Santos-Recto sa umaabot nga kasal nila ni Dingdong Dantes ug Marian Rivera karong December 30 gumikan kay usa siya sa mahimong ninang niini. Suma pa ni Ate V nga suod sila ni Marian sukad sila nagkauban niadto sa indie film nga Ekstra.
- Latest
