Brapanese hunk walang alam na naanakan ang anak ng aktres?

Pinost ng aktres sa Twitter ang pictures ng apo, na anak ng anak niyang babae na ang sinasabing ama ay isang Brapanese hunk. Ang ganda ng baby, pero dahil baby pa, hindi pa namin nakitaan ng similarities sa ama raw niyang Brazilian hunk.

 Ang nakita lang namin, very fair ang complexion ng baby, mas maputi sa inang medyo morena.

Curious kami kung alam na ng Brazilian hunk na siya ang itinuturong ama ng apo ng aktres?

Lovi tinanggap ang movie with Rocco kahit wala nang pahinga

Matutupad na ang wish ng fans nina Rocco Nacino at Lovi Poe na mapanood na rin sila sa pelikula, ginagawa kasi nila ang pelikulang Soap Opera sa direction ni Remton Siga Zuasola. Nagsimula nang mag-shoot ang dalawa noong isang araw sa Capones Island na nasa Zambales.

Bibilib ka kay Lovi dahil kahit anong busy kapag gusto ang project ay ginagawan ito ng paraan.

Masusubukan lalo ang pagka-professional ni Lovi ‘pag sinimulan na ang shooting ng Flight 666 ng Shake, Rattle, & Roll XV dahil sasabay sa taping ng Ang Dalawang Mrs. Real.

Janno umaming nilamon din ng depresyon

Lumabas kagabi ang interview kay Janno Gibbs sa Kapuso Mo, Jessica Soho, kung saan inamin na rin nito finally na dumaan siya sa matinding depression, sakit na gaya sa dinanas ng Hollywood actor at nagpakamatay na si Robin Williams.

Kaya nang ma-interview namin si Janno sa ta­ping ng My BFF, open na itong pag-usapan ang pi­nagdaanang depression. Sa kaso niya, ang pagtaba ang rason ng kanyang depression.

Dagdag na problema pa ni Janno na hirap siyang makatulog. Pero thankful ang actor na support system niya ang pamilya at hindi niya naisip mag-suicide.