Bayot ka, di?

CEBU, Philippines - Wala niangkon ug wala sab nanghimakak si Enchong Dee dihang gipangutana sa usa ka presscon niining bag-o lang kun bayot ba siya o dili, ug kun mugna lamang niya ang iyang pasiatab nga aduna na siya'y non-showbiz girlfriend aron matabunan ang tinuod nga pagka siya.

Suma pa sa www.getitfromboy.net, tubag ni Enchong sa pangutana nagkanayon: "Hanggan ngayon nandun pa rin tayo?"

Tubag sa reporter: "Oo, may ganun pa rin." (Yes, there still [talk] about it)

Nibawos sab si Enchong sa pag-ingon: "Eh di kung ano ang gusto nilang isipin, eh ganoon naman talaga. Basta ako, I am happy right now and I just always say na I stay awesome kasi nga kung ganoon naman ang buhay nila, wala naman akong magagawa."

Kahinumduman nga niadtong hinangat ang showing sa pelikula nila ni Erich Gonzales nga "Once A Princess" gibutyag ni Enchong nga aduna na siya'y non-showbiz girlfriend apan wala gyud niya kini nganli alang matud pa sa pribadong kinabuhi sa babaye.

Sister ra si Kim

Malaumon si Coco Martin nga magkasuod sila ni KC Concepcion ug mas mulig-on ang ilang panaghigalaay karon nga kauban sila sa book 2 sa primetime series nga "Ikaw Lamang" sa ABS-CBN. Samtang gipadayag ni Coco nga inigsuon ra gyud ang pagbati niya ngadto kang Kim Chiu.

Confident ang La Greta

Mistress o kabit ang role ni Gretchen Barreto sa iyang umaabot nga pelikula para sa Star Cinema nga himuon niya sunod tuig. Matud ni Gretchen nga excited na kaayo siya unsay mamahimo nilang mugna ni direk Chito Rono alang sa nahisgutang pelikula. Samtang gipadayag ni Gretchen nga wala siya mabalaka nga batuon unya siya og hilabihang pagsaway ilabi na nga mahug og susama kini sa iyang papel sa tibuok kinabuhi diin dili pa sila kasado sa negosyanteng si Tonyboy Conjuangco hangtud karon. Matud ni La Greta daghan na matud pa siya og kontrobersiya ug grabeng mga pagsaway nga nasinati apan pabilin gihapon siyang nagbarug, busa dili na matud pa siya madutlan niini.

Right Time

"Never Force anything in life.. Be patient, Be understanding.. Let time work things out.." Gidudahan sa mga himantayon nga kining maong linya ni Gerald Anderson nga maoy caption sa iyang photo niadtong Biyernes iyang pahinungod kang Kim Chiu. Kahinumduman nga sa samang adlaw namahayag si Kim nga dili pa siya andam nga makauban sa usa ka pelikula si Gerald ug ang uyab niini ug kanhi niya bestfriend nga si Maja Salvador. Giklaro gyud hinuon ni Kim nga okay na silang tulo sa usa’g-usa.