Puwede raw pagdausan ng kasal, Vera Perez Gardens libre kina Marian at Dingdong!
Bagaman at gusto yata ng magdyowang Dingdong Dantes at Marian Rivera na makasal sa Immaculate Conception Church na madalas pagsimbahan ni Dingdong at ng pamilya niya baka magbago pa rin ang isip nila at gawin ang wedding sa ibang simbahan o ilagay ito sa isang garden na tulad ng iniaalok ng pamilya Vera Perez sa kanila.
Pwede nga namang ganapin ang kasal at maging ang reception sa iisang lugar tulad nang maipagkakaloob ng kabubukas pa lamang na Vera Perez Gardens na ginawa nang isang napakagandang events place ng mga anak ng dating prodyuser ng mga pelikula na si Dr. Jose R. Perez at Azucena “Nene” Vera Perez.
Nakatakdang pasyalan nina Dingdong at Marian ang lugar para makita kung magiging ideyal ito sa kanilang pag-iisang dibdib. Kung magugustuhan nila, maari na rin nilang gawin dito ang reception ng kanilang kasal. Bukod sa naglalaman ang lugar ng maraming tao na inaasahan sa isang royal wedding ng katulad sa dalawang Kapuso stars, kilalang mahusay na caterer ang mga Vera Perez children.
Mga nagmamaanghang kay Nora, walang nagawa
Congrats kay Nora Aunor sa pagkapanalo niya ng Best Actress sa Cinemalaya X. Asan na ‘yung mga namimintas at nagmamaanghang sa kanya porke natalo siya sa mga nakaraang laban bilang Best Actress. Hindi porke natalo ka eh bobo ka na. Pana-panahon lang ‘yan. Nora can’t win them all. Pero at least she’s still fighting it out.
- Latest
