Kris hindi na interesting ‘pag nagpaka-professional

Hindi pa rin magawang ihiwalay ni Kris Aquino ang kanyang personal na buhay sa trabaho. Nung mag-guest  si QC Mayor Herbert Bautista sa Aquino & Abunda Tonight ay nagawa pa niyang mapatutsadahan ito nang sabihin nito na hindi siya (Mayor Herbert) nanakit ng tao. Dinagdagan ito ni Kris ng “damdamin lamang”. But that’s Kris to you. Hindi siya magiging interesting kung purely professional siya. 

Daniel minamanok na makapasok sa Big 4

Malapit na ang pagtatapos ng Pinoy Big Brother (PBB) All In. Dalawang linggo na lang at malalaman na kung sino ang mananalo. Wala na sa loob si Manolo Pedrosa. Sayang dahil pwede siyang nakasama sa Top 4. Pero nasa loob  pa si Joshua Garcia na iyak nang iyak. Siguro napi-feel niya na pwede siyang matanggal. Ang mga maid of honor ko naman nababaitan kay Daniel Matsunaga, pero okay sila sa tatlo nina Vickie Rushton, Maris Racal, at Loisa Andalio. Maski na sino kina Daniel, Joshua, at Jane ang mawala, okay sa kanila. Kayo sino ang gusto n’yo?