Marya at Lovi tapos na ang karapatan kay Dingdong, si Marian na ang totoong ‘MRS.’
Natawa kami sa aming narinig pagkatapos ng marriage proposal ni Dingdong Dantes kay Marian Rivera sa dance show ng aktres na Marian. Tatlo na raw ang Mrs. Real at mas may karapatan kay Dingdong si Marian kesa kina Millet (Maricel Soriano) at Shiela (Lovi Poe) dahil si Marian ang tunay na Mrs. Real.
Ang tinutukoy ng nag-dialogue nito ay ang teleseryeng Ang Dalawang Mrs. Real kung saan, parehong pinakasalan ni Anthony (Dingdong) sina Millet (Maricel) at Shiela (Lovi). Magiging tatlo nga naman ang misis ng aktor ‘pag nagpakasal na sila ni Marian na dinig namin, baka sa December this year.
Humirit pa ang isang fan na siguro raw inspired si Dingdong sa role niyang may asawa sa nasabing teleserye ng GMA 7, kaya nag-propose na rin ng kasal kay Marian. Ang tindi ng imahinasyon ng fan na ‘yun.
Anyway, alam agad na may magandang mangyayari sa Marian dahil sa presence ng families nina Dingdong at Marian. Idagdag pa ang presence nina Mr. Tony Tuviera at anak na si direk Mike Tuviera, Rams David na manager ni Marian at Perry Lansigan na manager ni Dingdong.
Nasa studio rin ang mga pinsan ni Dingdong na sina Arthur Solinap with GF Rochelle Pangilinan and Carlo Gonzales with GF Luanne Dy. Nakita rin namin si direk Mark Reyes na isa yata sa magiging ninong ng engaged couple.
After ng Marian, sama-samang nag-dinner ang pamilya ni Dingdong at pamilya ni Marian sa Cerchio Restaurant sa may Tomas Morato. Ang nakakatuwa, hindi pa man ikinakasal ang dalawa, Mrs. Marian Rivera-Gracia-Dantes na ang tawag sa aktres ng fans nila ni Dingdong.
Habang nanonood ng sariling pelikula Dennis ‘pinatay’ na rin
Pinost ni Dennis Trillo sa Instagram (IG) ang announcement sa Facebook na namatay siya last August 7. Nakalagay na 11 a.m. at almost 1M ang nag-like ng pekeng balita at nilagyan ng aktor ng caption na “Breaking News.”
Hindi nagalit si Dennis sa “pagpatay” sa kanya at kalma rin ang manager nitong si Popoy Caritativo at ang sabi lang, “Sikat ka na you have arrived.” Ang nakakaloka, the day na lumabas ang balitang patay na si Dennis, nasa CCP ito kasama ang fans niya para sa block screening ng The Janitor.
Ang fans ni Dennis ang nagalit at may nag-react na kung patay na ang aktor, ghost ang kasama nilang nanood sa block screening ng The Janitor. Hindi nag-research ang gumawa ng balita, kaya epic fail.
Samantala, sa August 24, 9:30pm., after Kapuso Mo, Jessica Soho ang pilot ng medical drama na Sa Puso Ni Doc nina Dennis at Bela Padilla. Parehong doctor ang role ng dalawa rito.
- Latest
