P260 M ang kita!

CEBU, Philippines - Nikabat ngadto sa P260 million ang gross sales sa pelikulang "She's Dating The Gangster" sa Star Cinema starring Kathryn Bernardo ug Daniel Padilla. Kini maoy usa sa mga rason nganong ang ilang loveteam maoy gisangunan sa ABS-CBN management alang sa remake sa phenomenal hit series kaniadtong "Pangako Sa'yo" nga gibituonan nila ni Jericho Rosales ug Kristine Hermosa.

Puros ra Chemistry

Gihulagway ni Eugene Domingo ang malampuson nga loveteam nila ni Jose Manalo sa 'Celebrity Bluff" nga puros ra matud pa "chemistry" ug walay "physics". Usa sa mga gikalingawan og maayo sa maong toprating game show matag Sabado sa gabii sa GMA-7 ang mga paukyab sa duruha.

Dili pa ready

"Iyon ang tanong! Hindi pa ako ready!" Suma pa ni Iza Calzado sa dihang  gipangutana kun aduna na ba sila'y planong magpakasal sa boyfriend niyang  British-Filipino businessman nga Ben Wintle. Nasayran nga nagpunsisuk ang mga proyekto karon ni Iza sa ABS-CBN.

Viva Princesses

Gibutyag ni Yassi Pressman nga nalipay siya sa dihang nasayran niyang lakip siya sa giisip nga "Viva Princesses" lakip usab niini sila Nadine Lustre ug Shy  Carlos. Dugang usab ni Yassi nga mapasalamaton siya nga naapil sa pelikulang  "Diary ng Panget" kay matud pa mao kini ang nag-usab sa dagan sa iyang career.

Wala magbalik uy

Matud pa ni Dennis Trillo nga wala sila nagbalik sa ex-girlfriend niyang si Jennylyn Mercado sa dihang nakit-an sila nga nagkuyog sa usa ka event. Dugang          usab ni Dennis managhigala na lang sila ni Jennylyn. (Frenz Maireen F.Taborada, USJR Masscom Intern)