Reunion

CEBU, Philippines -  Mibalik si  Sandara Park sa pagtikang sa Tagaytay ug Manila ug todo ang iyang pag-post  og  hulagway sa  iyang Instagram Account kung diin kauban niya ang iyang mga ka batch kaniadto sa  "Star Circle Quest". Kahinumduman nga bag-o lang mianhi si Sandara sa Pilipinas kauban ang ubang miyembro sa K-POP Group "2NE1".

Alex pasok sa Benjamin

Nasorpresa si Alex Gonzaga sa dihang nasayran niya nga malakip diay siya sa sequel sa pelikulang"Praybeyt Benjamin". Matud pa ni Alex nga idolo niya si Vice Ganda busa malipayon siya nga iya kining makatrabaho. Usa usab kini nga higayon nga makatrabaho ni Alex si Richard Yap ug ang anak ni Kris Aquino nga si Bimby.

Rochelle isip aswang

Lakip si Rochelle Pangilinan sa umaabot nga serye sa GMA nga "Ang Lihim ni Anassandra" diin kontrabida gihapon ang iyang papel. Matod pa ni Rochelle nga "aswang" ang iyang papel sa maong serye.

Bangs gipikhan

Wala palabya sa bashers ang hulagway ni Phil Younghusband kauban ang sexy actress nga si Bangs Garcia, giingong nag-date ang duha sa usa ka mall. Ang bashers ni Bangs nikomentaryo nga dili sila bagay ni Phil.

Tarungon gyud

Gipasalig ni Mark Bautista nga tarungon niya ang pagdala karakter ni kanhi presidente Ferdinand Marcos sa musical play nga "Here Lies Love". Matud pa ni Mark nga mapasalamaton siya sa maong role nga naghisgot usab sa  kasaysayan sa atong nasud.

Dennis gipangandaman ni Kris

Nangandam na si Kris Bernal sa umaabot niya nga serye diin kauban niya si Dennis Trillo nga giulohan og "Hiram na Alaala". Matud pa ni Kris nga mature ang iyang papel sa maong serye ug lahi ang iyang papel dinhi kaysa sa uban niyang serye kaniadto.

Daghan ang na-crush

Proud si Marian Rivera nga daghan og na-crush sa iyang boyfriend nga si Dingdong Dantes. Pipila niini mao sila si Natalia Moon ug Dasuri Choi. "Alam mo, sa totoo lang, kapag sinasabing crush si Dingdong, siyempre para sa akin, nafla-flatter ako", suma pa ni Marian.

Go Aiza!

Nagplano sila si Aiza Seguerra ug Liza Diño nga human sa ilang  kasal sunod tuig, mupailawom sila sa proseso sa artificial insemination aron makabaton sila og anak. "Pero instead of me [ang magdadala], sa akin i-inseminate, we'll use my egg, and she [Liza] will carry," suma pa ni Aiza.

Mystery girl

Gikatahong adunay kahalok si Enrique Gil sa usa ka kalihukan nga iyang gitambongan sa miaging buwan. Matud pa nga dili taga showbiz ang maong girl nga ka-date ni Enrique.

One family

Bisan pa man nga dugay na silang buwag ni Paulo Avelino, gipadayag ni LJ Reyes nga gusto niya nga makita sa ilang anak nga si Aki nga usa gihapon sila ka pamilya bisan pa man sa ilang estado sa ilang relasyon karon. "Kahit na anong mangyari, ako ang nanay niya, si Paulo ang tatay niya, at hindi magbabago yun" suma pa ni LJ.