Mommy D may dyowa!

MANILA, Philippines – Inamin ng ina ni eight-division boxing champion Manny Pacquiao na mayroon siyang kasintahan.

Ikinuwento ni Mommy Dionisia sa “Bandila” ng ABS-CBN kagabi ang kanyang pakikipagrelasyon sa 40-anyos na si “Michael.”

“Mabait siya tignan. Pinansin ko siya agad,” sabi ni Mommy D tungkol sa kanyang boyfriend na hiniling na huwag isapubliko ang buong pangalan.

Nagsimula ang usap-usapan sa boyfriend ni Mommy D matapos itong ihayag ng Saranggani representative nitong nakaraang linggo.

Sinabi ng ina ng world class boxer na dinadahan-dahan niya ang kanyang nararamdaman kay Michael dahil ayaw niyang labis na masaktan.

“Pinakamasakit yung pagtaksilan ka. Nadaanan ko na sa tatay nila. Napakasakit talaga. Muntik ako magpakamatay sa una.”

Hiwalay si Dionisia sa kanyang asawa na nagbunga ng dalawan anak, habang may apat siyang anak kay Rosali Pacquiao, ama ni Manny, na kasama niya na ng 20 taon.

“Magtira ka ng para sa iyong katawan. Para sa utak mo, para sa katawan mo, magtira ka. Hindi mo ibuhos sa lalaki. Hindi mo ibuhos sa boyfriend-boyfriend.”