Sarah hindi pinayagang samahan si Matteo sa Ironman

SEEN : Mula sa Cebu City, magkakasabay na bumalik kahapon sa Manila sina Dra. Vicki Belo, Hayden Kho, Jr., at Ogie Alcasid.

Si Ogie ang kumanta sa 50th wedding anniversary party nina Dra. Amparito Lhuillier at Michel Lhuillier sa Marco Polo Hotel, Cebu City.

SCENE : Hinihingi ni Lea Salonga ang tulong ng kanyang followers sa social media para mahanap ang nawawalang scarf na bigay ng ninang niya.

SEEN : Kabilang si Gretchen Barretto sa mga  celebrity na sumuporta sa Cinemalaya X. Tatlong pelikula ang pinanood ni Gretchen noong Sabado sa CCP, ang Asintado, Dream Weaver, at Hustisya.

Ang live in partner ni Gretchen na si Tonyboy Cojuangco ang founder ng Cinemalaya.

SCENE : Ang  ‘special friend’ na si Sandra Seifert at ang pamilya nito ang kasama ni Cesar Montano sa birthday lunch ng aktor sa isang Japanese restaurant sa Makati City noong August 1.

SEEN : Dumagsa kahapon ang mga turista sa Cebu City para sa Ironman 70.3 na nag-umpisa sa Shangri-La Mactan. Sina Matteo Guidicelli, Kim Atienza, Ryan Agoncillo, at Judy Ann Santos ang ilan sa mga celebrity na nakita sa Cebu para sa Ironman event.

SCENE : Hindi pinayagan si Sarah Geronimo ng kanyang mga magulang na samahan sa Cebu ang boyfriend na si Matteo Guidicelli na sumali sa naganap na Ironman 70.3.