Pagbatok sa taas nga blood pressure!

CEBU, Philippines - Sa atong modernong henerasyon karon dili na gyud nato kalikayan ang mga sakit-sakit. Aduna usab uban kanato nga nagproblema tungod sa kataas sa ilang blood pressure, lakip na ang mga batan-on.

 Matud pa sa bloodpressureuk.org, 120 over 80 ang normal nga blood pressure sa usa ka tawo. Karon ania'y mga lamiang pagkaon ug ilimnon nga makatabang sa pag-ubos sa inyong blood pressure:

Low-fat Milk

Ang pag-inom gatas matag-adlaw makatabang sa pag-ubos sa imong blood  pressure. Aduna usab kini Calcium ug Vitamin D. Ang gatas dili lang makatabang sa pagminus sa imong blood pressure apan makatabang usab kini nga malikayan ang cardiovascular disease.

Baked White Potato

Ang patatas adunay magnesium ug potassium, makatabang kini sa atong kasingkasing. Kung ubos ang potassium, ang lawas magbilin og extra nga sodium ug tungod niini mosaka ang atong blood pressure. Busa kinahanglan nga pilion nimo ang mga pagkaon nga adunay potassium aron daling mahilis ang naghinubra nga sodium sa imong lawas.

Bananas

Ang saging puno sa potassium. I-puno sa imong pamahaw ang saging o dili ba sa imong panihapon, adunay mga taktika aron hilabihang ma-enjoy nimo ang pagkaon sa saging. Una, kung kan-on kini nimo sa buntag mamahimo kining Banana-Raspberry Oatmeal.

Dark Chocolate

Matud pa sa "Journal of the American Medical Association (JAMA) ang pagkaon og chocolate ilabi na ang adunay 70% cocoa powder makatabang sa pag-ubos sa imong blood pressure. Ang pagkaon og dark chocolate dili makataas sa imong timbang. (Frenz Maireen F. Taborada, USJR Masscomm Intern) kinutlo sa www.joybauer.com